టాలీవుడ్ బ్యూటీ స్టార్ హీరోయిన్ కీర్తి సురేష్ గురించి మనకు తెలిసింది.హీరో రామ్ పోతినేని నటించిన నేను శైలజ సినిమాతో తెలుగు ఇండస్ట్రీకి పరిచయం అయ్యింది ఈ ముద్దుగుమ్మ.
మొదటి సినిమాతోనే అందం అభినయంతో ఆకట్టుకుంది ఈ ముద్దుగుమ్మ.ఆ తర్వాత తెలుగులో వరుసగా సినిమా అవకాశాలు అందుకుంటూ సార్ హీరోయిన్ గా తనకంటూ ఒక ప్రత్యేకమైన గుర్తింపు ఏర్పరుచుకుంది.
ఒక మహానటి సినిమాతో మరింత పాపులారిటీని సంపాదించుకుంది.అతి తక్కువ సమయంలోనే క్రేజీ హీరోయిన్ గా గుర్తింపు తెచ్చుకోవడమే కాకుండా స్టార్ హీరోల సరసన నటించే అవకాశాలు దక్కించుకుంది.
కేవలం తెలుగులో మాత్రమే కాకుండా తమిళంలో కూడా వరుసగా సినిమాలు చేస్తూ తమిళ ప్రేక్షకులను కూడా అలరిస్తోంది.కమర్షియల్ సినిమాలతో పాటు లేడి ఓరియెంటెడ్ సినిమాల్లో కూడా నటిస్తు మెప్పిస్తోంది.
ఇకపోతే ఈమె తెలుగు మొదటి నుంచి గ్లామర్ షో కి నో చెబుతూనే వస్తుంది.అంతే కాకుండా సినిమాల్లో కూడా నటనకు ఎక్కువగా ప్రాధాన్యత ఉన్న పాత్రలను ఎంపిక చేసుకుంటోంది.
ప్రస్తుత జనరేషన్ లో హీరోయిన్ లు అందరూ ఎక్కువగా అందాల ఆరబోతతో ఆకట్టుకుంటే కీర్తి సురేష్ మాత్రం తన రూటే సపరేటు అని అంటోంది.తాజాగా ఒక ఇంటర్వ్యూలో పాల్గొన్న కీర్తి సురేష్ అందాల ఆరబోత గురించి మాట్లాడుతూ.
నా కెరీర్ బిగినింగ్ నుంచి కూడా నేను నటన పైనే ఎక్కువగా దృష్టి పెట్టాను.నా అదృష్టం కొద్దీ అలాంటి పాత్రలే నాకు వచ్చాయి.సినిమాల్లో గ్లామరస్ గా కనిపించే విషయంలో కొన్ని లిమిట్స్ పెట్టుకున్నాను.అందువల్లే గ్లామరస్ గా కనిపించే పాత్రలకు దూరంగా ఉంటున్నాను.నా ఆలోచన విధానం.నా నటన నచ్చిన ప్రేక్షకులు నన్ను తప్పకుండా అభిమానిస్తారు అని భావిస్తున్నాను అని తెలిపింది కీర్తి సురేష్.
కీర్తి సురేష్ మహేష్ బాబు తాజాగా నటించిన సర్కారు వారి పాట సినిమాలో మహేష్ సరసన నటించిన విషయం తెలిసిందే.ఇటీవలే ఈ సినిమాకు సంబంధించిన షూటింగ్ పూర్తి అయ్యింది.
తెలుగు వార్త విశేషాలు సులభముగా తెలుసుకోండి!!!!
