సోషల్ మీడియాలో ఎన్నో వీడియోలు మనలను నవ్విస్తున్నాయి.స్మార్ట్ ఫోన్లు అందరి చేతుల్లోకి వచ్చాక ఇంటర్‌నెట్ వాడకం విపరీతంగా పెరిగింది.
ఇక వివిధ రకాల యాప్‌లు ఫొటోలు, వీడియోలు షేర్ చేసుకునేలా సౌకర్యం కల్పిస్తున్నాయి.ఫలితంగా ఏ ఆసక్తికర సంఘటన జరిగినా, అందరికీ చూపించడానికి ప్రజలు ఆ వీడియోలను సోషల్ మీడియాలో పోస్ట్ చేస్తున్నారు.
చాలా వీడియోలు ఫన్నీగా ఉంటున్నాయి.అవి ఎంతో ఆసక్తికరంగానే కాకుండా చూడగానే నవ్విస్తున్నాయి.
బాగా ఆందోళనగా ఉన్నప్పుడు, మనసు బాగాలేనప్పుడు ఇలాంటి వీడియోలు చూడగానే మనసు ఆహ్లాదకరంగా మారుతుంది.ఇలాంటి తరహాలో ఓ వీడియో నెటిజన్లను బాగా ఆకర్షిస్తోంది.
దీనికి సంబంధించిన వివరాలిలా ఉన్నాయి.
కొందరు యువతులు ఓ అటవీ ప్రాంతానికి వెళ్తారు.
అక్కడ ఉన్న ఓ పాకలో గొర్రెలు ఉంటాయి.అందులో అప్పుడే పుట్టిన ఓ గొర్రె పిల్లను ఓ యువతి ఎత్తుకుంది.
అది ఎంతో ముద్దుగా ఉండడంతో దానిని ఎత్తుకుని, అటూ ఇటూ ఆడించింది.ఈ తంతంగాన్ని తల్లి గొర్రె చూసింది.
తన పిల్లను వారు ఎత్తుకు పోతున్నారేమోనని భావించింది.కోపంగా వచ్చి, తన పిల్లను ఎత్తుకున్న ఆ అందమైన యువతిని వెనుక నుంచి గుద్దింది.
ఒక్కసారిగా ఆ గొర్రె గుద్దడంతో ఆ యువతి చేతిలోని గొర్రె పిల్ల జారి కింద పడింది.ఇక తగిలిన దెబ్బను తలచుకుని ఆ యువతి ఎంతో బాధపడింది.
నా పిల్ల జోలికొస్తే ఊరుకుంటానా అన్నట్లు ఉన్న తల్లి గొర్రెను చూసి యువతి అక్కడి నుంచి వెళ్లిపోయింది.ఈ వీడియోను బ్యూటీ వైల్డ్ లైఫీ అనే ఇన్‌స్టాగ్రామ్ ఖాతా నుంచి పోస్ట్ చేశారు.
ఎంతో ఫన్నీగా ఉండడంతో నెటిజన్లు ఆ వీడియోను చూసి నవ్వుకుంటున్నారు.
