ఇప్పటి వరకు మనకు ఇంటర్నెట్ సేవల విషయంలో దర్శనమిచ్చే కేబుళ్లు భవిష్యత్తులో కనిపించవు.దేశంలో శాటిలైట్ ఇంటర్నెట్ సేవలను అందించేందుకు అమెజాన్ సంస్థ వేగంగా అడుగులు వేస్తోంది.
ఇండియాలో అల్ట్రా-హై-స్పీడ్ శాటిలైట్ ఇంటర్నెట్ సేవలను తీసుకువచ్చే ప్రక్రియను ప్రారంభించాలని చూస్తోంది.దేశంలో శాటిలైట్ సేవలను అందించడానికి అవసరమైన అనుమతుల గురించి చర్చించడానికి అమెజాన్ త్వరలో డిపార్ట్‌మెంట్ ఆఫ్ స్పేస్‌తో సహా అధికారులను సంప్రదించాలని భావిస్తోంది.
అమెజాన్ తన ‘ప్రాజెక్టు కైపర్’లో భాగంగా తక్కువ-భూమి కక్ష్యలో తిరిగే ఉపగ్రహాల కోసం 10 బిలియన్ల కంటే ఎక్కువ పెట్టుబడి పెడుతోంది.
భారతదేశంలో ఎలాన్ మస్క్ కంపెనీ స్టార్‌లింక్‌తో పాటు వన్‌వెబ్ అనే కంపెనీ రెండూ రాబోయే సంవత్సరంలో కార్యకలాపాలను ప్రారంభించే అవకాశం ఉంది.
ఈ తరుణంలో అమెజాన్ సంస్థ వాటికి పోటీగా భారతదేశంలోకి ప్రవేశించడం ఖచ్చితంగా పోటీ ఉంటుంది. వన్ వెబ్ హోల్‌సేల్ సెగ్మెంట్‌పై దృష్టిని కేంద్రీకరించగా, స్పేస్ ఎక్స్ పట్టణ, గ్రామీణ విభాగాలను లక్ష్యంగా చేసుకుంది.
మారుమూల ప్రాంతాలలో బ్రాడ్‌బ్యాండ్‌ను అందించడానికి అమెజాన్ ఉపగ్రహాన్ని ఉపయోగిస్తే, భారతదేశంలో ఇంటర్నెట్ సేవల మార్కెట్‌ను పెంచుకోగలుగుతుంది.భారతీయ జనాభాలో దాదాపు 50 శాతం మంది ఇంకా ఇంటర్నెట్‌కు కనెక్ట్ కాలేదు.
దీంతో అమెజాన్ కంపెనీకి ఇది ఒక భారీ వ్యాపార అవకాశం.టెలికాం సర్వీస్ ప్రొవైడర్లు సాధారణంగా గ్రామీణ ప్రాంతాలను విస్మరిస్తారు ఎందుకంటే నెట్‌వర్క్‌ను సెటప్ చేయడానికి అధిక ఖర్చుతో పాటు తక్కువ రాబడి ఉంటుంది.
ఈ తరుణంలో శాటిలైట్ ద్వారా ఇంటర్నెట్ అందించేందుకు అమెజాన్ ప్రయత్నాలు ముమ్మరం చేస్తోంది.
