యంగ్ హీరో సాయి ధరమ్ తేజ్ నటిస్తున్న లేటెస్ట్ మూవీ సోలో బ్రతుకే సో బెటర్ ఇప్పటికే షూటింగ్ పనులు ముగించుకుని రిలీజ్కు రెడీ అయ్యింది.ఈ సినిమాతో మరోసారి అదిరిపోయే సక్సెస్ అందుకునేందుకు తేజు రెడీ అవుతున్నాడు.
కాగా ఈ సినిమా ఫస్ట్ లుక్ పోస్టర్స్కు మంచి రెస్పాన్స్ రావడంతో ఈ సినిమాపై అంచనాలు బాగానే క్రియేట్ అయ్యాయి.ఇక ప్రస్తుతం ఉన్న లాక్డౌన్ కారణంగా ఈ సినిమా నుండి ఓ సింగిల్ సాంగ్ను తాజాగా రిలీజ్ చేశారు చిత్ర యూనిట్.
‘నో పెళ్లి’ అంటూ సాగే ఈ పాట చాలా క్రేజీగా ఉండటంతో యూత్ ఈ పాటకు బాగా కనెక్ట్ అవుతున్నారు.థమన్ అందించిన మ్యూజిక్ ఈ పాటకు బాగా కలిసి రావడం, ఈ పాటలో ఎవ్వరూ ఊహించని విధంగా మరో ఇద్దరు యంగ్ హీరోలు ఉండటంతో ఈ పాటను పదే పదే చూస్తున్నారు.
మెగా ప్రిన్స్ వరుణ్ తేజ్, రానా దగ్గుబాటి ఈ పాటలో కేమియో ఇవ్వడంతో ప్రేక్షకులు సర్ప్రైజ్ అయ్యారు.ఇక ఈ పాటలో రానా కూడా ఉండటంతో ఇటీవల నిశ్చితార్థం చేసుకున్న రానా, అప్పుడే ‘నో పెళ్లి.
’ అంటూ పాడటం ఏమిటని పలువురు సరదాగా కౌంటర్లు వేస్తున్నారు.
సుబ్బు అనే కొత్త దర్శకుడు డైరెక్ట్ చేస్తున్న ఈ యూత్ఫుల్ మూవీలో సాయి ధరమ్ తేజ్ పాత్ర చాలా వైవిధ్యంగా ఉంటుందని, హీరోయిన్గా నభా నటేష్ అదరగొడుతుందని చిత్ర యూనిట్ ధీమా వ్యక్తం చేస్తున్నారు.
బీవీఎస్ఎన్ ప్రసాద్ ప్రొడ్యూస్ చేస్తున్న ఈ సినిమాకు థమన్ సంగీతం అందిస్తుండటంతో ఇది ఖచ్చితంగా మ్యూజికల్ హిట్ అవుతుందని మెగా ఫ్యాన్స్ ఆశిస్తున్నారు.మరి తేజు నో పెళ్లి సాంగ్ను మీరు ఓసారి చూసేయండి.