సూపర్ స్టార్ కృష్ణ పుట్టిన రోజు సందర్బంగా సూపర్ స్టార్ మహేష్బాబు 27వ చిత్రం అధికారిక ప్రకటన వచ్చింది.సినిమాకు సర్కారు వారి పాట అనే టైటిల్ను ఖరారు చేసినట్లుగా ప్రకటించడంతో పాటు మహేష్బాబు లుక్ విషయంలో కూడా కాస్త క్లూ ఇచ్చారు.
ప్రీ లుక్ విడుదల చేయడంతో అంచనాలు ఆకాశాన్ని అంటుతున్నాయి.మెడపై రూపాయి కాయిన్ గుర్తు మరియు చెవికి పోగు చాలా ట్రెండీగా కనిపిస్తున్నాడు.
ఇక హెయిర్ కూడా చాలా కొత్తగా కనిపించబోతుంది.
సర్కారు వారి పాట చిత్రంలో మహేష్బాబు ఎలా ఉండబోతున్నాడో ఇప్పటికే ఫ్యాన్స్కు అవగాహణ వచ్చేసింది.ఇదే సమయంలో కొందరు నెటిజన్స్ మహేష్బాబు లుక్ ఆయన డిజాస్టర్ మూవీ ‘అతిథి’లో మాదిరిగా ఉందని అంటున్నారు.ఇప్పుడు ఈ పోస్టర్లో ఉన్నట్లుగానే అతిథిలో మహేష్బాబు ుక్ ఉంటుందని, ఇప్పుడు ఆ సెంటిమెంట్ కంటిన్యూ అయితే ఈ సినిమా పరిస్థితి ఏంటీ అంటూ వారు అనుమానాలు వ్యక్తం చేస్తున్నారు.
మహేష్బాబు కొత్త లుక్ ప్రయత్నించిన ప్రతి సారి కూడా సినిమా నిరాశపర్చుతూ వచ్చింది.అందుకే మహేష్బాబు లుక్స్ విషయంలో పెద్దగా మార్పులు చేర్పులు ఏమీ లేకుండానే ముందుకు వెళ్తాడు.కాని ఈసారి మాత్రం మహేష్బాబు సర్కారు వారి పాటకు గాను చాలా ట్రెండీగా కనిపించడంతో పాటు చెవికి పోగుతో కూడా నటించబోతున్నాడు.మరి అతిథి వంటి ఫలితం వస్తుందా లేదంటే రికార్డు బ్రేక్ అవుతుందా చూడాలి.