లాస్ ఏంజెల్స్ : హాలీవుడ్‌లో సమ్మె .. జో బైడెన్ ఫండ్ రైజింగ్ కార్యక్రమానికి బ్రేక్

నిజానికి బైడెన్ ( Joe Biden ).కార్మికుల హక్కులు, సంఘాలకు గట్టి మద్ధతుదారుగా వుంటారు.హాలీవుడ్‌లో నటీనటుల సమ్మె కూడా ఇందుకు మినహాయింపు కాదు.

వీరు న్యాయమైన ఒప్పందాన్ని పొందాలని తాను కోరుకుంటున్నట్లు బైడెన్ ఇప్పటికే పేర్కొన్నారు.అయితే లాస్ ఏంజెల్స్, కాలిఫోర్నియాలు బైడెన్ నిధుల సేకరణ కార్యక్రమంలో ప్రముఖమైనవి.2020 ఎన్నికల సమయంలో బైడెన్ ఒక్క కాలిఫోర్నియాలోనే 105.5 మిలియన్ డాలర్లను సేకరించారు.ఇది అప్పట్లో ఆయన ప్రచారం కోసం సేకరించిన మొత్తం నిధుల్లో 21 శాతం.బైడెన్ ఫండ్ రైజింగ్ కార్యక్రమంలో లాస్ ఏంజెల్స్ కౌంటీ అత్యంత కీలకమైనదిగా చెప్పవచ్చు.2020లో జరిగిన 20 వర్చువల్ ఫండ్ రైజింగ్ ఈవెంట్స్‌( Virtual Fundraising Events )లలో హాజరైన వారు తలకు 25,000 డాలర్లు చొప్పున చెల్లించారు.హాలీవుడ్ నటీనటులు, టెక్నీషియన్లు స్వతహాగా మిలియనీర్లు కావడంతో ఈ ప్రాంతంలో భారీగా విరాళాలు సేకరించవచ్చు.

కానీ ప్రస్తుతం సమ్మె కారణంగా ఇలాంటి కార్యక్రమాలకు బ్రేక్ పడింది.

సమ్మె కారణంగా ఇప్పటికే తీవ్ర ఆర్ధిక ఇబ్బందులను ఎదుర్కొంటున్న నటీనటులు, కార్మికుల పట్ల సానుభూతితో నిధుల సమీకరణను వాయిదా వేయాలని బైడెన్ నిర్ణయించారు.

పరిశ్రమ ఇబ్బందుల్లో వున్నప్పుడు హాలీవుడ్ కమ్యూనిటీ నుంచి నిధులను సేకరించడం వల్ల ప్రజల్లోకి తప్పుడు సంకేతాలు వెళ్తాయని అధ్యక్షుడు భావిస్తున్నారు.సమ్మె కారణంగా ప్రస్తుతం అనిశ్చితి ఏర్పడినప్పటికీ ఈ ఏడాది చివరి నాటికి హాలీవుడ్, లాస్ ఏంజెల్స్‌లో పరిస్థితులు చక్కబడతాయని విశ్లేషకులు అంచనా వేస్తున్నారు.