సీతారామం సినిమా ద్వారా తెలుగు ప్రేక్షకులకు పరిచయమయ్యారు మరాఠీ ముద్దుగుమ్మ మృణాల్ రాకూర్.ఈమె సినిమాలపై మక్కువతో మొదట మోడలింగ్ రంగంలోకి అడుగుపెట్టి అనంతరం పలు సీరియల్స్ లో నటించి సినిమా అవకాశాలను అందుకున్నారు.
హిందీలో మరాఠీలో పలు సినిమాలలో నటించిన ఈమె తెలుగులోకి సీతారామం సినిమా ద్వారా ప్రేక్షకులకు పరిచయమయ్యారు.ఇలా మొదటి సినిమాతోనే తెలుగులో విపరీతమైన క్రేజ్ సొంతం చేసుకున్నారు.
హను రాఘవపూడి దర్శకత్వంలో మృణాల్ ఠాకూర్, దుల్కర్ సల్మాన్ జంటగా నటించిన ఈ సినిమా పాన్ ఇండియా స్థాయిలో విడుదలై ఎంతో మంచి విజయాన్ని సొంతం చేసుకోవడంతో ఈమె పేరు ఒక్కసారిగా మారు మోగిపోతుంది.ఈ సినిమాలో సీత పాత్రలో నటించి చూడ చక్కని అందంతో అందరిని ఆకట్టుకున్న ఈ ముద్దుగుమ్మ సోషల్ మీడియాలో మాత్రం గ్లామర్ షో చేస్తూ పెద్ద ఎత్తున గ్లామరస్ ఫోటోలను షేర్ చేస్తూ అభిమానులను షాక్ కి గురి చేస్తున్నారు.
ఒక ఇంటర్వ్యూలో పాల్గొన్నటువంటి ఈమె తన సినీ కెరియర్ గురించి ఎన్నో ఆసక్తికరమైన విషయాలను తెలియజేశారు.
![Telugu Dulquer Salman, Mrinal Thakur, Mrunalthakur, Sitarams, Sitaramam-Movie Telugu Dulquer Salman, Mrinal Thakur, Mrunalthakur, Sitarams, Sitaramam-Movie](https://telugustop.com/wp-content/uploads/2022/10/everyone-is-asking-the-same-question-sitaramam-heoine-mrunal-thakur-detailss.jpg )
తను సీతారామం వంటి అద్భుతమైన సినిమాను ఇప్పటివరకు హిందీలో కూడా నటించలేదని ఈమె వెల్లడించారు.కొంతమంది దర్శకులు తనపై ఉన్న నమ్మకంతో తనకు ఇలాంటి సినిమా అవకాశాలను కల్పిస్తున్నారని వెల్లడించారు.ఇకపోతే తనకు అభిమానుల నుంచి ఒక ప్రశ్న ఎదురవుతూ ఉందని చాలామంది తన వయసు గురించి తనను ప్రశ్నిస్తున్నారు.
ఈ క్రమంలోనే ఈమె మాట్లాడుతూ తనకు ప్రస్తుతం 30 సంవత్సరాలు అంటూ తన వయసు గురించి తెలియజేశారు.తెలుగులో ఈమె నటించిన ఈ సినిమా మంచి హిట్ కావడంతో తనకు తదుపరి అవకాశాలు కూడా వస్తున్నాయి.