ఈ మధ్య కాలంలో రిలీజ్ అయ్యి సూపర్ హిట్ టాక్ సొంతం చేసుకున్న చిత్రం “జైలర్”( Jailer ).సూపర్ స్టార్ రజిని కాంత్( Rajini Kanth ) హీరో గా, తమిళ దర్శకుడు నెల్సన్ తెరకెక్కించిన ఈ చిత్రం థియేటర్ లకు ప్రేక్షకులను రప్పించడంలో విజయం సాధించింది, కానీ టీవీల ముందు కూర్చోపెట్టలేకపోయింది.అవును…మీరు విన్నది నిజమే.సుమారు 600 కోట్ల రూపాయల కలెక్షన్లతో బాక్స్ ఆఫీస్ కొల్లగొట్టిన ఈ చిత్రం, బుల్లితెర పై తన ప్రతాపాన్ని చూపించలేకపోయింది.
వెండి తెర పై పులిలా గర్జించిన చిత్రం, బుల్లితెర పైకి వచ్చేసరికి పిల్లి అయిపొయింది.
జైలర్ చిత్రం సాటిలైట్ రైట్స్ సన్ టీవీ( Sun TV ) సొంతం చేసుకున్న విషయం మనందరికీ తెలిసినదే.సొంతం చేసుకోవడం ఏమిటి? సినిమా నిర్మించినదే సన్ టీవీ అధినేత కళానిధి మారన్( Kalanidhi Maran ).ఈ చిత్రం తాజాగా బుల్లితెర పై ప్రసారమైంది.ఐతే అందరి ఊహలను తారుమారు చేస్తూ, ఈ చిత్రం టి ఆర్ పి రేటింగ్ లో అట్టడుగున నిలిచింది.బాక్స్ ఆఫీస్ వద్ద వందల కోట్లు కొల్లగొట్టిన ఈ చిత్రం సాధించిన రేటింగ్ కేవలం 5.40 మాత్రమే.దీనికి ముఖ్య కారణం ఈ సినిమా సన్ టీవీ లో ప్రసారం కావడమే.
సన్ టీవీకి ప్రేక్షకాదరణ తగ్గింది అన్నది జగమెరిగిన సత్యం.తమిళనాట ప్రేక్షకులు ఇంకా ఆదరిస్తున్నారేమో గాని, తెలుగు రాష్ట్రాలలో ఈ ఛానెల్స్ పరిస్థితి అంతంత మాత్రంగానే ఉంది.
ఈ సినిమాలో ప్రేక్షకులను ఆకర్షించడానికి ఎన్నెన్నో ప్రణాళికలు వేశారు దర్శకనిర్మాతలు.అప్పట్లో నరసింహ సినిమాలో సూపర్ హిట్ పెయిర్ గా నిలిచినా రజినీకాంత్, రమ్య కృష్ణ కాంబో ను మళ్ళీ ఈ చిత్రంలో ఒకటి చేసారు.కానీ ఈ చిత్రంలో రమ్య కృష్ణ( Ramya Krishna ) పాత్రకు పెద్ద ప్రాధాన్యం లేదు.సినిమా అంతా రజిని చుట్టే తిరుగుతూ ఉంటుంది.ఆమె మాత్రమే కాకుండా కన్నడ, మలయాళీ సూపర్ స్టార్ లు శివ రాజ్ కుమార్, మోహన్ లాల్ ను కూడా ఈ చిత్రంలో వాడేశారు.కానీ వారి పాత్రల నిడివి కూడా తక్కువే.
ఈ సినిమాకు మరింత క్రేజ్ తెచ్చిన విభాగం సంగీతం.ఈ చిత్రానికి రెండో హీరో అనిరుద్ అని చెప్పాలి.
అతడి సంగీతం, బ్యాక్ గ్రౌండ్ స్కోర్ ఈ సినిమాకు తోడవ్వకపోయిఉంటే, ఈ చిత్రం ఇంతటి విజయాన్ని సాధించి ఉండేది కాదు.అసలు విషయం ఏమిటంటే, ఈ చిత్రానికి హైలైట్ గా నిలిచినా అంశాలన్నీ కేవలం థియేటర్ లో చూసేందుకు మాత్రమే బాగుంటాయి.
ఎలేవేషన్ సీన్లు, సంగీతం, రజిని కాంత్ స్టైల్….ఇలా అన్ని థియేటర్ లో వర్క్ అవుట్ అయినట్టు టీవీ లో వర్క్ అవుట్ అవ్వవు.
అందుకే ఈ చిత్రం బుల్లి తెర ప్రేక్షకులను మెప్పించలేకపోయింది.
తెలుగు వార్త విశేషాలు సులభముగా తెలుసుకోండి!!!!
తాజా వార్తలు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
