ఆచార్య చాణక్యుడి జీవన విధానాలు నేటికీ ఉపయోగకరంగా ఉన్నట్లే, మహాభారత కాలం నాటి గొప్ప మేధావి విదురుని జీవన విధానాలు కూడా నేటి కాలానికి తగిన విధంగానే ఉంటున్నాయి.విదురుడు దూరదృష్టి గలవాడు.
మరియు అపరిమితమైన తెలివిగలవాడు.అతను మహాభారత యుద్ధ ఫలితాల గురించి ముందుగానే మహారాజు ధృతరాష్ట్రుడికి చెప్పాడు, అయినప్పటికీ ధృతరాష్ట్రుడు కౌరవులను హెచ్చరించలేదు.
ఫలితంగా యుద్ధం వల్ల జరిగిన నష్టాన్ని అందరూ భరించవలసి వచ్చింది.విదుర నీతిలో పేర్కొన్న కొన్ని అమూల్య విషయాల గురించి ఇప్పుడు తెలుసుకుందాం.
విదుర నీతి ప్రకారం.తనకు తానే ఎంతో మేధావిని అనుకునేవాడు మూర్ఖుల కేటగిరీలోకి వస్తాడు.
ముఖ్యంగా తన తప్పులకు ఇతరులపై నిందించే వ్యక్తి ఎన్నటికీ అభివృద్ధి చెందలేడు.
అటువంటి వ్యక్తి ఎదుటివారి ముందు ఎంత మేధావిగా కనిపించినా, లోతుగా చూస్తే అతడు మూర్ఖుడే.
తన తప్పును అంగీకరించి సరిదిద్దుకున్న వ్యక్తి మాత్రమే జీవితంలో పురోగమిస్తాడు.తన తప్పును ఇతరులపై మోపిన వ్యక్తి అదే తప్పులు చేస్తూ, ఎప్పటికీ ముందుకు సాగలేడు.ఏ పనీ చేయకుండా కూర్చుని ఇతరుల పనుల్లో తప్పులు వెతుక్కుంటూ, వారిపై కోపగించుకునే వారు కూడా మూర్ఖులే.ఇలాంటి వారు ముందుగా ఏదోఒక పనిలో నైపుణ్యం పెంచుకుని ఇతరుల పనుల్లో తప్పులు వెతకడం మంచిది.
పని చేయని వ్యక్తుల మాటలను ఎవరూ పట్టించుకోరు.అందుకే ఇతరులపై కోపం తెచ్చుకోవడం లేదా వారి పనిలో తప్పులు వెదకడం వ్యర్థం మని విదురుడు చెప్పాడు.
