తెలంగాణ రాష్ట్రంలో బీజేపీతో కలసి జనసేన పార్టీ పోటీ చేయబోతున్న సంగతి తెలిసిందే.ఈ క్రమంలో మూడు వారాలలో జరగబోయే తెలంగాణ అసెంబ్లీ ఎన్నికలలో ఎనిమిది స్థానాలలో జనసేన పార్టీ పోటీ చేయబోతున్నట్లు అభ్యర్థులను ప్రకటించడం జరిగింది.
బీజేపీ ఇప్పటికే వంద స్థానాలలో అభ్యర్థులను ప్రకటించింది.జనసేనతో పొత్తు ప్రకటించిన తర్వాత 8 స్థానాలను బీజేపీ కేటాయించడం జరిగింది.
ఇక మిగిలి ఉన్న 11 స్థానాలలో కొన్ని స్థానాలపై చర్చలు జరుగుతున్నాయి.
ఈ క్రమంలో ఎక్కడెక్కడ జనసేన పార్టీ అభ్యర్థులు ఏఏ నియోజకవర్గాల నుండి పోటీ చేయబోతున్నారో… జనసేన సోషల్ మీడియా విభాగంలో లిస్ట్ విడుదల చేయడం జరిగింది.కూకట్‌పల్లి నుంచి ముమ్మారెడ్డి ప్రేమ్ కుమార్, తాండూరు – నేమూరి శంకర్ గౌడ్, కోదాడ – మేకల సతీష్ రెడ్డి, నాగర్ కర్నూలు – వంగ లక్ష్మణ్ గౌడ్, ఖమ్మం – మిర్యాల రామకృష్ణ, కొత్తగూడెం – లక్కినేని సురేందర్ రావు, వైరా (ఎస్టీ) – డాక్టర్ తేజావత్ సంపత్ నాయక్, అశ్వారావుపేట (ఎస్టీ) – ముయబోయిన ఉమాదేవి పోటీ చేయనున్నారు.ఇదిలా ఉంటే జనసేన పార్టీ అభ్యర్థుల పోటీ చేసే నియోజకవర్గాలలో పవన్ కళ్యాణ్ ప్రచారం చేయబోతున్నట్లు సమాచారం.
అంతేకాదు వారాహి యాత్ర కూడా నిర్వహించాలని ఆలోచన చేస్తున్నట్లు వార్తలు వస్తున్నాయి.
