ఆర్టీసీ కార్గో పార్శిల్ మిస్సింగ్.. టెన్షన్ పడుతున్న అధికారులు.. ఎందుకంటే?

అయితే, వినుకొండ డిపోకు రావలసిన పార్సల్లు రాకపోవడంతో కార్గో ఉద్యోగులు చాలా ఇబ్బంది ఎదుర్కొంటున్నారు.ఇందుకు సంబంధించి పూర్తి వివరాలలోకి వెళ్తే.వినుకొండ( Vinukond )నుంచి తిరుపతికి ఒక ఆర్టీసీ బస్ అద్దెకు వెళ్ళింది.

ఈ క్రమంలో ఒంగోలులో 16 పార్సెల్స్ ఇచ్చారు.ఈ పార్సల్స్ అన్నీ కూడా నెల్లూరు వరకు బుక్ అయ్యి ఉన్నాయి.

అయితే, ఈ క్రమంలో 15 పార్సల్లు మాత్రమే కార్గో ఆఫీస్లోకి వచ్చాయి.కానీ, మరొక పార్సల్ రాలేదు.

దీంతో ఉద్యోగులందరూ కూడా చాలా కంగారుగా ఉన్నారు.అయితే, బస్సు డ్రైవర్ ఆ పార్సెల్ ను కార్గో ఆఫీస్ లో ఇవ్వలేదని కనిపెట్టేశారు.

ఇంకేముంది అతని పట్టుకొని పార్సల్ తీసుకొని రావాలని అనేక ఇబ్బందులు పడుతున్నారు.కాకపోతే, అప్పటికే ఆ డ్రైవర్ ఫోన్ స్విచ్ ఆఫ్ చేసేసాడు.

అద్దె బస్సు డ్రైవర్ ( Bus driver )కావడంతో అతన్ని జాడ తెలుసుకోవడం చాలా కష్టతరంగా మారింది.

ఇంతకీ మిస్ అయిన పార్సెల్ లో ఏముందన్న విషయానికి వస్తే.ఒక లక్ష రూపాయలు విలువ చేసే చీర ఉంది.అంత విలువ చేసిన చీర మిస్ అవ్వడంతో యజమాని ఆర్టీసీ కార్గో ఉద్యోగులపై ఒత్తిడి కలిగించాడు.

వాస్తవానికి ఆ చీర బుక్ చేసిన యజమాని ఎవరో కాదండోయ్.ఆర్టీసీ చైర్మన్ కోడలు.దీంతో కార్గో లో పని చేసే ఉద్యోగులందరికి ఒక పెద్ద చిక్కే ఎదురయ్యింది.ప్రస్తుతం వినుకొండ, ఒంగోలు, నెల్లూరు కార్గో సర్వీస్ లలో పనిచేస్తున్న ఉద్యోగులందరూ కూడా ఆ బస్సు డ్రైవర్ కోసమే గాలింపు చర్యలు చేపట్టారు.