పెరిగిపోతున్న టెక్నాలజీ వలన ఎన్ని లాభాలు వుంటాయో, అంతకన్నా ఎక్కువ నష్టాలు వుంటాయని చెబుతున్నారు కొందరు.కలియుగం కాదిది డిజిటల్ యుగం అని చెబుతున్నారు మరి.
ఇకపోతే ప్రజలు నేడు డిజిటల్ వాయిస్ అసిస్టెంట్ డివైజ్లను ఎక్కువగా వినియోగిస్తున్నారు.ఈ నేపథ్యంలోనే అమెజాన్ అలెక్సా, అమెజాన్ ఏకో, గూగుల్ హోమ్ వంటివి చాలా బాగా పాపులర్ అయ్యాయి.
‘అలెక్సా’ అనేది నేడు ఎన్నో కుటుంబాల్లో భాగమైపోయింది కూడా.అలాంటివాటిలో మనుషులు కూర్చున్న చోటు నుంచి కదలకుండా ఇంట్లోని వివిధ పరికరాలను ఆన్, ఆఫ్ చేసేస్తున్నారు.
అయితే, ఇలాంటి పరికరాన్ని ఉపయోగించేవారు చాలా జాగ్రత్తగా వ్యవహరించాలని టెక్ నిపుణులు సూచిస్తున్నారు.ముఖ్యంగా ఈ పరికరాన్ని బెడ్రూమ్లో అస్సలు పెట్టుకోవద్దని హెచ్చరిస్తున్నారు.
ఎందుకంటే.మీరు మాట్లాడుకునేదంతా ఈ పరికరం రికార్డు చేస్తోంది.
ఆ డాటాను అమెజాన్ ఉద్యోగులు కొంతమంది వింటున్నారని కూడా నిపుణులు చెబుతున్నారు.
కాబట్టి వాటి కారణంగా మీ వ్యక్తిగత ప్రైవసీకి భంగం కలిగి కలతలు చెలరేగే ప్రమాదం వుంది.అందుకే ఈ పరికరాన్ని కిచెన్, హాల్ వంటి ప్రదేశాల్లో మాత్రమే పెట్టుకోవాలని అంటున్నారు.అమెజాన్ కంపెనీ కూడా ఈ విషయం నిజమేనని తాజాగా అంగీకరించింది.
అయితే, అలెక్సాను మరింత మెరుగుపరచడం కోసం, రీసెర్చ్లో భాగంగానే ఈ పని చేస్తున్నామని కూడా చెప్పింది.ఈమేరకు ఫాక్స్ న్యూస్ ఈ వివరాలను వెల్లడించింది.మీ ఇంట్లో ‘అలెక్సా’ ఒక భాగమైతే దానిని అవసరం మేరకే వాడండి తప్ప, అన్నివేళలా ఆన్ చేసి వుంచకండి అని సూచిస్తున్నారు.