కోలీవుడ్ ఇండస్ట్రీలో అగ్ర నటుడుగా ఎంతో మంచి పేరు ప్రఖ్యాతలు సంపాదించుకున్నారు నటుడు సూర్య.ఈయన తమిళంలో మాత్రమే కాకుండా తెలుగులో కూడా ఎంతోమంది అభిమానులను సొంతం చేసుకున్నారు.
ఈ క్రమంలోనే సూర్య నటించిన సినిమాలకు తెలుగులో కూడా మంచి ఆదరణ వస్తుంది.ఇకపోతే సూర్య ఈ మధ్యకాలంలో వరుస సినిమా విజయాలను అందుకొని దూసుకుపోతున్నారు.
తాజాగా ఈయన ఆకాశమే నీ హద్దురా సినిమాకి జాతీయ అవార్డును కూడా అందుకున్నారు.
ఇకపోతే సూర్య ప్రస్తుతం దర్శకుడు శివ దర్శకత్వంలో భారీ బడ్జెట్ చిత్రంలో నటిస్తున్న విషయం మనకు తెలిసిందే.
ప్రస్తుతం ఈ సినిమా శరవేగంగా షూటింగ్ పనులను జరుపుకుంటుంది.ఇక ఈ సినిమా గురించి తాజాగా ఓ అప్డేట్ సోషల్ మీడియాలో వైరల్ గా మారింది.ప్రస్తుతం ఈ సినిమా షూటింగ్ పనులను జరుపుకుంటున్న నేపథ్యంలోనే ఈ సినిమా భారీ బిజినెస్ జరుపుకొందని తెలుస్తోంది.ఈ సినిమాకి ప్రముఖ ఓటీటీ సంస్థ నుంచి భారీ డీల్ వచ్చినట్లు సమాచారం.
శివ సూర్య కాంబినేషన్లో రాబోతున్న ఈ చిత్రాన్ని పాన్ ఇండియా స్థాయిలో తెరకెక్కిస్తున్నారు.ఇకపోతే ఈ సినిమా కోసం ప్రముఖ డిజిటల్ మీడియా ఏకంగా 100 కోట్ల రూపాయలకు సినిమా హక్కులను సొంతం చేసుకున్నట్లు తెలుస్తోంది.అయితే ఈ సినిమా డిజిటల్ హక్కులను సొంతం చేసుకున్న ఆ సంస్థ ఏది అనేది తెలియకపోయినా ఈ విషయం మాత్రం ప్రస్తుతం సోషల్ మీడియాలో వైరల్ గా మారింది.ఇక ఈ సినిమాకు ప్రముఖ మ్యూజిక్ డైరెక్టర్ దేవిశ్రీప్రసాద్ సంగీతం అందిస్తున్న విషయం మనకు తెలిసిందే.
ఈ సినిమాతో పాటు సూర్య వెట్రిమారన్‌ దర్శకత్వంలోనూ సూర్య ఓ చిత్రంలో నటిస్తున్నారు.
