పురుషుల్లో కంటే మహిళల్లో రోగ నిరోధక శక్తి అధికంగా ఉంటుందని శాస్త్రవేత్తలు కనుగొన్నారు.ప్రమాదకారక కణాలను నాశనం చేసే టి-కణాలు మహిళల్లో అధికంగా విడుదల అవుతుందని యేల్ యూనివర్సిటీ పరిశోధకులు అధ్యాయనం చేసి తెలియజేశారు.
కరోనా మహమ్మారి బారిన పడినవారిలో అధిక సంఖ్యలో పురుషులు అస్వస్థతకు గురికావడంతో శాస్త్రవేత్తలు ఈ సమస్యపై ప్రత్యేక దృష్టి సారించారు.ఈ మేరకు పరిశోధనలు నిర్వహించి అసలు కారణాన్ని కనుగొన్నారు.
అమెరికాలోని యేల్ యూనివర్సిటీ పరిశోధక శాస్త్రవేత్తలు ఓ పరిశోధన నిర్వహించారు.మహిళల కంటే పురుషులు ఎక్కువగా కరోనా బారినపడుతున్నారని, దానికి గల కారణాలేంటని తెలుసుకోవడానికి ప్రయత్నాలు కొనసాగించారు.
ఈ మేరకు 18 ఏళ్లు పైబడిన 98 మంది కరోనా బాధితులపై అధ్యాయనం చేశారు.అయితే మానవ శరీరంలో కరోనా ప్రవేశించిన తర్వాత ప్రమాదకర కణాలను తయారవుతాయని, వాటిని నిర్మూలించడానికి రోగ నిరోధక వ్యవస్థలో టీ-కణాలు కీలకపాత్ర పోషిస్తాయని వాళ్లు గుర్తించారు.
పురుషులతో పోలిస్తే మహిళల్లో ఈ కణాలు అధికంగా విడుదల అవుతాయని, అందుకే మహిళలు ఆరోగ్యంగా ఉంటారని చెప్పారు.కరోనా బారిన పురుషులు అధికంగా ముప్పు ఉందని గుర్తించారు.
కరోనా బారి నుండి పురుషులు జాగ్రత్తగా ఉండాలని, తగిన జాగ్రత్తలు పాటించాలని పరిశోధక శాస్త్రవేత్తలు తెలియజేశారు.
