షాకింగ్ వీడియో: పట్టాలు దాటుతుండగా దూసుకొచ్చిన గూడ్స్ రైలు.. విద్యార్థిని నుజ్జునుజ్జు!

ఉత్తరప్రదేశ్ రాష్ట్రం, అంబేద్కర్ నగర్ జిల్లాలోని మాలిపూర్ రైల్వే స్టేషన్( Malipur Railway Station ) సమీపంలో గుండెలు పిండే విషాదం చోటు చేసుకుంది.ఓ బాలిక రైల్వే గేటు వేసి ఉండగా పట్టాలు దాటేందుకు ప్రయత్నించింది.

వేగంగా దూసుకొచ్చిన గూడ్స్ రైలు ఢీకొనడంతో అక్కడికక్కడే ప్రాణాలు కోల్పోయింది.ఈ దుర్ఘటన స్థానికంగా తీవ్ర దిగ్భ్రాంతిని కలిగించింది.

ఈ ప్రమాదానికి సంబంధించిన సీసీటీవీ ఫుటేజీ ప్రస్తుతం వైరల్ అవుతోంది.అందులో ఆ యువతి సైకిల్‌తో రైల్వే గేటు కింద నుంచి దూరి పట్టాలు దాటేందుకు తొందరపడుతూ కనిపించింది.

ఇంతలో వేగంగా వస్తున్న గూడ్స్ రైలును ( Goods train )ఆమె గమనించలేకపోయింది.క్షణాల్లో రైలు ఆమెను బలంగా ఢీకొట్టడంతో గాల్లోకి ఎగిరిపడి అక్కడికక్కడే మరణించింది.

ఈ హృదయ విదారక దృశ్యాలు చూసిన స్థానికులు కన్నీటి పర్యంతమయ్యారు.

కొందరు నెటిజన్లు మాత్రం ఆ అమ్మాయి ఆత్మహత్య చేసుకునే ఉద్దేశంతోనే రైలు ముందు దూకి ఉంటుందని అనుమానాలు వ్యక్తం చేస్తున్నారు.

అయితే, మృతురాలు ఎవరనేది ఇంకా తెలియరాలేదు. పోలీసులు కేసు నమోదు చేసుకుని దర్యాప్తు చేస్తున్నారు.ఇదిలా ఉండగా, రైల్వే గేట్లు వేసినప్పుడు పట్టాలు దాటడం ప్రమాదకరమని రైల్వే అధికారులు పదేపదే హెచ్చరిస్తున్నా, ప్రజలు మాత్రం వాటిని పట్టించుకోవడం లేదని ఈ ఘటన మరోసారి రుజువు చేసింది.

ఇలాంటి ఘటనే మహారాష్ట్రలోని పాల్ఘర్ జిల్లాలోనూ జరిగింది. వైష్ణవి రావల్( Vaishnavi Rawal ) అనే 16 ఏళ్ల పదో తరగతి విద్యార్థిని గుజరాత్ వెళ్లే రాజధాని ఎక్స్‌ప్రెస్ రైలు ( Rajdhani Express Train )ఢీకొనడంతో ప్రాణాలు కోల్పోయింది.గురువారం జరిగిన ఈ ప్రమాదంలో వైష్ణవి రైల్వే ట్రాక్ దాటుతుండగా వేగంగా వచ్చిన రైలు ఆమెను ఢీకొట్టింది.

ఇయర్‌ఫోన్స్ పెట్టుకుని ఉండటం వల్ల రైలు వస్తున్న శబ్దం వినలేకపోవడమే ఆమె మృతికి కారణమని తెలుస్తోంది.ఈ రెండు హృదయ విదారక ఘటనలు రైల్వే భద్రతా నియమాలను పాటించాల్సిన ఆవశ్యకతను మరోసారి గుర్తు చేస్తున్నాయి.

రైల్వే ట్రాక్‌లు దాటేటప్పుడు మరింత అప్రమత్తంగా ఉండాలని అధికారులు చెబుతున్నా, ప్రజలు మాత్రం నిర్లక్ష్యంగా వ్యవహరిస్తూ ప్రాణాల మీదకు తెచ్చుకుంటున్నారు.

ఈ రెండు ప్రమాదాలపై స్థానిక పోలీసులు, రైల్వే అధికారులు వేర్వేరుగా దర్యాప్తు చేస్తున్నారు.ఈ దుర్ఘటనలు పునరావృతం కాకుండా రైల్వే శాఖ మరింత కఠినమైన భద్రతా చర్యలు తీసుకోవాలని నిపుణులు సూచిస్తున్నారు.ప్రజలు కూడా బాధ్యతగా మెలగాలని, రైల్వే నియమాలను తప్పకుండా పాటించాలని అధికారులు విజ్ఞప్తి చేస్తున్నారు.