వాతావరణ మార్పుల కారణంగా అనేక వృక్ష జాతులు అంతరించిపోతున్నాయి.కానీ ఇప్పటికీ మనుగడలో ఉంటూ, అందరినీ ఆకర్షిస్తున్న అత్యంత పురాతన చెట్ల గురించి ఇప్పుడు తెలుసుకుందాం.
గ్రాన్ అబులో(3,646 సంవత్సరాలు)
గ్రాన్ అబులో చిలీలోని అలెర్స్ కోస్టెరో నేషనల్ పార్క్లో ఉంది.ఈ చెట్టు దక్షిణ అమెరికాలో ఉన్న అత్యంత పురాతన చెట్టు.2021 నాటికి, గ్రాన్ అబులో వయస్సు 3,647 సంవత్సరాలు.దీని వయస్సు ప్రకారం అది 1,500 బీసీఈలో మొలకెత్తింది.గ్రాన్ అబులో 196 అడుగుల (60 మీటర్లు) పొడవు, 13 అడుగుల (4 మీటర్లు) వెడల్పుతో ఉంది.
సర్వ్-ఇ అబర్కు (అబర్కు సైప్రస్)(4,500 సంవత్సరాలు)
ఇరాన్లోని అబర్కులో సర్వ్-ఇ అబర్కును చూడవచ్చు.ఈ జాతి మధ్యధరా సైప్రస్ (కుప్రెస్సస్ సెమ్పర్వైరెన్స్)జాతికి చెందినది.ఇది దాదాపు 4,500 సంవత్సరాల క్రితం నాటిదని భావిస్తున్నారు.
సర్వ్-ఇ అబర్కు ఇరాన్లోని ఒక సహజ స్మారక చిహ్నం.ఇరాన్ సాంస్కృతిక వారసత్వ సంస్థ దీనిని సంరక్షిస్తోంది.
జొరాస్టర్ అనే ఇరానియన్ ప్రవక్త ఈ చెట్టును నాటినట్లు చరిత్ర చెబుతోంది.ఈ చెట్టు ప్రపంచవ్యాప్తంగా అందరి దృష్టిని ఆకర్షిస్తోంది.
లాంగెర్నివ్ యూ (4,000-5,000 సంవత్సరాలు)
లాంగెర్నివ్ యూ, వేల్స్లోని కాన్వేలోని లాంగెర్నివ్ గ్రామంలో సెయింట్ డిగైన్స్ చర్చి యార్డ్లో ఉంది.ఇది టాక్సస్ బక్కటా జాతికి చెందినది.ఇది సుమారు 5,000 సంవత్సరాలుగా ఉనికిలో ఉంది.ఈ చెట్టు నిర్దిష్టంగా 4,000-5,000 సంవత్సరాల మధ్య వయస్సు కలిగివుంది.ఈ వృక్షజాతి ఖచ్చితమైన వయస్సును చెప్పడం కష్టం.ఎందుకంటే ఈ వృక్షపు కోర్ కాలక్రమేణా అదృశ్యమవుతుంటుంది.
ఈ చెట్టు ప్రత్యేక గుర్తింపు కలిగివుంది.వృక్షశాస్త్రజ్ఞుడు డేవిడ్ బెల్లామీచే ఈ వృక్షానికి సంబంధించిన వివరాలు తెలిపారు.