పిట్ట కొంచెం కూత ఘనం అనే సామెతను మీరు వినే ఉంటారు.సరిగ్గా ఈ సామెతను నిజం చేసాడు తొమ్మిదో తరగతి చదివే ఒక పిల్లాడు.
వయసు చిన్నదే కానీ ఆలోచన మాత్రం గొప్పది.ఈ చిన్న బుర్రలో ఎన్నెన్నో ఆలోచనలను నింపుకున్నాడు.
ఈ బాలుడు తనకు ఉన్న చిన్న బుర్రకు పదును పెట్టి సరికొత్త ప్రయోగం చేసి అందరిని ఆశ్చర్యంలో ముంచేసాడు.శాస్త్రవేత్తలు సైతం నివ్వేరపోయేలాగా అంధుల కోసం ఒక సరికొత్త బూట్లను తయారు చేశాడు ఈ విద్యార్థి.
మరి ఆ విద్యార్థి వివరాలు ఏంటో ఒకసారి తెలుసుకుందామా.
అస్సోంలోని కరీంగంజ్ కు చెందిన అంకురిత్ కర్మాకర్ అనే విద్యార్థి అందుల కోసం సరికొత్తగా బూట్లను తయారుచేసాడు.
ఈ బూట్ల యొక్క వెరైటీ ఏంటంటే ఆ బూట్లను ధరించి నడిస్తే ఎవరన్నా వాళ్లకు అడ్డు వస్తే ఆ బూట్లు శబ్దాలు చేసి వెంటనే వాళ్ళను అప్రమత్తం చేస్తాయన్నమాట.అంకురిత్ ప్రస్తుతం తొమ్మిదో తరగతి చదువుతున్నాడు.
భవిష్యత్తులో ఇంకా ప్రయోగాలు చేస్తానని అంటున్నాడు.అంధులు ఈ ప్రత్యేక బూట్లు ధరించి రోడ్డుపై నడుస్తున్నప్పుడు ఎదురుగా ఏదైనా వాహనం కానీ, వ్యక్తులు కానీ వచ్చినప్పుడు వాళ్ళని అలెర్ట్ చేసేలాగా బూటులో ఒక సెన్సార్ ను ఏర్పాటు చేసాడు.
ఎదురుగా ఎవరన్నా వచ్చినప్పుడు ఈ బూటులోని సెన్సార్ పెద్దగా శబ్దాలు చేస్తూ వాళ్ళకు ముందస్తు సూచన చేస్తుంది.చూపు కోల్పోయిన వారి కోసం ఈ సరికొత్త పరికరాన్ని కనిపెట్టినట్టు అంకురిత్ చెబుతున్నాడు.తగిన ప్రోత్సాహం అందిస్తే ఈ పరికరాన్ని తక్కువ ఖర్చుతో అందుబాటులోకి తీసుకువస్తానని తెలిపాడు.రాబోయే రోజుల్లో మరిన్ని ప్రయోగాలు చేస్తానని, ఎప్పటికయినా శాస్త్రవేత్త అవ్వడమే తన లక్ష్యమని తెలిపాడు.
తెలుగు వార్త విశేషాలు సులభముగా తెలుసుకోండి!!!!
