కాజల్ అగర్వాల్( Kajal Aggarwal ) సౌత్ ఇండియన్ ఫిల్మ్ ఇండస్ట్రీలో ఒక స్టార్ హీరోయిన్.ఆమె 2007లో లక్ష్మీ కళ్యాణం చిత్రంతో తెలుగు చిత్రసీమలోకి అడుగుపెట్టింది.
ఆ తర్వాత తెలుగు, తమిళ చిత్రాలలో పలువురు ప్రముఖ నటులతో నటించింది.తన కెరీర్‌లో హీరోయిన్‌గా 50 సినిమాలు పూర్తి చేసుకుంది.
అయితే, కరోనా మహమ్మారి సమయంలో కాజల్ పెళ్లి చేసుకుని అందరినీ ఆశ్చర్యపరిచింది.ఆమె 2020, అక్టోబర్ లో వ్యాపారవేత్త గౌతమ్ కిచ్లుతో వివాహ బంధంతో ఒక్కటైంది.
ఆమె వివాహం తర్వాత కొంత కాలం సినిమాలకు విరామం తీసుకుంది.అయితే ఇప్పుడు ఆమె హడావిడితో మళ్లీ తిరిగి మూవీ ఇండస్ట్రీకి వచ్చింది.
కాజల్ రీసెంట్ గా తెలుగులో బాలకృష్ణ సరసన భగవంత్ కేసరి సినిమా( Bhagavanth Kesari )తో రీ ఎంట్రీ ఇచ్చింది.ఈ సినిమా హిట్ అయ్యి కాజల్‌కి మరిన్ని ఆఫర్లు తెచ్చిపెడుతుందని భావిస్తున్నారు.ప్రస్తుతం ఈ చందమామ శంకర్ దర్శకత్వంలో బ్లాక్ బస్టర్ ఫిల్మ్ భారతీయుడుకి సీక్వెల్ అయిన ఇండియన్ 2( Indian 2 ) షూటింగ్ కూడా పూర్తి చేసింది.ఈ చిత్రంలో ఆమె కమల్ హాసన్‌కు జోడీగా కనిపించనుంది.
కాజల్ కి ఈ సినిమా కాకుండా మరికొన్ని సినిమాల్లోనూ నటిస్తోంది.ఒకటి తెలుగు సినిమా సత్యభామ( Satyabhama ).ఇంకొకటి హిందీ మూవీ ఉమా.మరొకటి ప్రవీణ్ సత్తారు( Praveen Sattaru ) దర్శకత్వంలో నాగార్జునతో టైటిల్ పెట్టని సినిమా.కాజల్‌కు కథలు చెప్పాలనుకునే తెలుగు, తమిళ నిర్మాతలు ఇప్పటికీ చాలామంది ఉన్నారు.వారి నుంచి కూడా కాజల్‌కు చాలా ఆఫర్లు వస్తున్నాయి.ఇప్పటికే చేతిలో ఉన్న నాలుగు సినిమాలతో మరిన్ని సినిమాలకు సైన్ చేసేందుకు రెడీ అవుతోంది.
కాజల్ అగర్వాల్ తన సెకండ్ ఇన్నింగ్స్‌( Kajal Aggarwal Second innings )లో దూసుకుపోతోంది.ఆమె మళ్లీ వెండితెరపై కనిపించడం పట్ల ఆమె అభిమానులు కూడా సంతోషం వ్యక్తం చేస్తున్నారు.తన కెరీర్‌కు పెళ్లి అడ్డంకి కాదని, తన వ్యక్తిగత, వృత్తి జీవితాన్ని రెండింటినీ బ్యాలెన్స్ చేయగలనని నిరూపిస్తోంది.
కాజల్ ప్రభాస్, అల్లు అర్జున్ వంటి హీరోలతో మళ్లీ జతకట్టాలని కోరుకునే అభిమానులు కూడా ఉన్నారు.కానీ ఈ ముద్దుగుమ్మను ప్రస్తుతానికి వయసు పైబడ్డ హీరోలకే పరిమితం చేస్తున్నారు.
భవిష్యత్తులో ఈ తార కుర్ర హీరోల సరసన నటించడం, పాన్ ఇండియా లెవెల్లో హిట్టు కొట్టడం కూడా కష్టమేనని చెప్పవచ్చు.అయితే సినిమా ఇండస్ట్రీలో ఏదో ఒక మిరాకిల్ జరుగుతూనే ఉంటుంది.
అలాంటిది కాజల్ కి జరిగితే ఈ ముద్దుగుమ్మకు తిరుగుండదు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
