ఇటీవల కాలంలో జపనీయులు( Japanese ) ఇండియన్ మూవీస్ బాగా చూసేస్తున్నారు.పాటలు కూడా వింటూ ఎంజాయ్ చేస్తున్నారు.
కొందరైతే మన ఇండియన్ సాంగ్స్కు స్టెప్పులు కూడా వేస్తున్నారు.తాజాగా సోషల్ మీడియా ఇన్ఫ్లుయెన్సర్ మాయో( Influencer Mayo ) తన జపనీస్ డ్యాన్స్ గ్రూప్తో కలిసి ‘చక చక్’ పాటకు ఆకట్టుకునే విధంగా డ్యాన్స్ చేసింది.
ఈ పాట సారా అలీ ఖాన్ నటించిన బాలీవుడ్ చిత్రం ‘అత్రంగి రే’( Atrangi Ray )లోనిది.ఒరిజినల్ సాంగ్లో సారా అదర గొట్టిందనే చెప్పాలి.
శ్రేయా ఘోషల్ ఆలపించిన ఈ పాట ఇప్పటికీ చాలా మంది నోట వినపడుతుంది.జపాన్లో కూడా ఇది పాపులర్ అయింది .
దీనికే ఆ దేశస్థులు నాట్యం చేసి బాలీవుడ్ ఫ్యాన్స్ను( Bollywood fans ) ఆకట్టుకున్నారు.ఈ నెల ప్రారంభంలో ఇన్స్టాగ్రామ్లో పోస్ట్ చేసిన వీడియోకు దాదాపు లక్ష వ్యూస్, చాలా పాజిటివ్ కామెంట్స్ వచ్చాయి.వీడియోలో మాయో, ఆమె భాగస్వామి కాకేటాకు, ఇతర డ్యాన్సర్లతో పాటు భారతీయ, జపనీస్ దుస్తులను మిక్స్ చేసి ధరించినట్లు కనిపించింది.వారు ఒరిజినల్ పాట నుంచి కొన్ని ఆకర్షణీయమైన మూవ్స్ చేశారు, ఇందులో సారా రద్దీగా ఉండే మార్కెట్లో డ్యాన్స్ చేసిన మూవ్ కూడా ఉంది.
మాయో బ్లూ కలర్ శారీలో అద్భుతంగా కనిపిస్తుండగా, కాకేటకు టీ-షర్ట్, జాకెట్తో నార్మల్ లుక్ కలిగి ఉన్నారు.
భారతీయ సినిమాలు, పాటలను ఇష్టపడే మాయో, క్యాప్షన్లో “2022 నుంచి నేను భారతీయ సినిమాలు, పాటలు, డ్యాన్స్ ల గురించి మాట్లాడుతున్నా.భారతీయ పాటలపై నాతో కలిసి డ్యాన్స్ చేయమని నేను వారిని వేలసార్లు అడిగాను.ఇప్పుడు, వారిలో సగం మంది ఒప్పుకున్నారు.వారు భారతీయ పాటలను వినడం ఆపలేకపోతున్నారు.” అని రాసింది.ఈ డ్యాన్స్ వీడియో చాలా మంది వ్యూయర్స్ హృదయాలను గెలుచుకుంది, నెటిజన్లు వీరి ప్రతిభను ప్రశంసించారు.