మనలో కొంతమందికి అరుదైన కళలు ఉంటాయి.అందుకే వారు మిగతా వారికంటే భిన్నంగా వ్యవహరిస్తారు.
అదే కళలు వున్నవారు వాటిని కాస్త వెరైటీగా ప్రదర్శిస్తూ వుంటారు.బేసిగ్గా కొంతమందికి కుడిచేతి వాటం, మరికొంతమందికి ఎడమచేతి వాటం ఉంటుంది.
అయితే రెండు చేతులతో తమ కళలను ప్రదర్శించేవారు ఇంకా అరుదుగా వుంటారు.ఇపుడు అలాంటి ఓ వ్యక్తి గురించే చెప్పుకోబోతున్నాం.
అది చూసిన వారికి నిజంగా అద్భుతంగా అనిపిస్తుంది.ప్రస్తుతం సోషల్ మీడియాలో రెండు చేతులతో డ్రాయింగ్స్ వేసే సామర్థ్యం ఉన్న వ్యక్తికి సంబంధించిన ఫోటోలు, వీడియోలు వైరల్ అవుతున్నాయి.
రెండు చేతులతో రాయడం వరకు ఓకే కానీ.వెనుకకు తిరిగి, బోర్డు వైపు చూడకుండా ఒకేసారి రెండు చేతులతో డ్రాయింగ్ చేయడం నిజంగా ఓ మిరాకిల్ అని చెప్పుకోవాలి.
అలాంటి అరుదైన వీడియో సోషల్ మీడియాలో వైరల్ అవుతోంది.వైరల్ అవుతున్న వీడియోలో ఏముందో ఒక్కసారి చూసినట్లయితే.
ఓ వ్యక్తి తన వీపును బోర్డుకి ఆనుకుని కుర్చీపై కూర్చుని రెండు చేతులతో శివాజీ, అతని ప్రత్యర్థి చిత్రాన్ని అవలీలగా గీసేసాడు.
ఇక ఆ రెండు బొమ్మలు గీసేటప్పుడు ఒక్క తప్పు కూడా దొర్లకుండా ఎంతో చాకచక్యంతో తేలిగ్గా డ్రాయింగ్ గీయడం నిజంగా అద్భుతంగా పేర్కొనవచ్చు.సదరు వీడియోని హిందుస్థాన్ నౌ గ్లోబల్ ప్రెస్ ఫేస్‌బుక్‌లో షేర్ చేసింది.దీనికి ఇప్పటిదాకా 1.5 మిలియన్ల వ్యూస్, 1.49 లక్షల లైక్‌లతో పాటు 2 వేలకు పైగా కామెంట్‌లు రావడం కొసమెరుపు.ఇక ఈ వీడియోను చూసిన నెటిజన్లు అతని ట్యాలెంట్‌కు ఫిదా అయిపోతున్నారు.అతన్ని ప్రశంసలతో ముంచెత్తుతున్నారు.మీరు కూడా ఈ వీడియో చూసి మీమీ అభిప్రాయాలను కామెంట్ల రూపంలో తెలియజేయండి.
