మొన్నటి వరకు రెండు తెలుగు రాష్ట్రాలతో పాటు పాన్ ఇండియా లెవెల్ లో వినిపించిన పేరు ప్రశాంత్ వర్మ, తేజా సజ్జా( Prashant Verma, Teja Sajja ).ఇటీవలె హనుమాన్( Hanuman ) సినిమాతో ప్రేక్షకుల ముందుకు వచ్చారు డైరెక్టర్ ప్రశాంత్ వర్మ.
ఈ సినిమాలో తేజ సజ్జా హీరోగా నటించిన విషయం తెలిసిందే.సంక్రాంతి పండుగ కానుకగా చిన్న సినిమాగా విడుదలైన ఈ సినిమా బాక్స్ ఆఫీస్ వద్ద సూపర్ హిట్ టాక్ ని తెచ్చుకుంది.
ప్రస్తుతం కలెక్షన్ ల వర్షం కురిపిస్తూ దూసుకుపోతోంది.అయితే ఈ సినిమా మంచి సక్సెస్ ని సాధించడంతో సంక్రాంతి బ‌రిలో ఉన్న పెద్ద సినిమాల‌ను వెన‌క్కు నెట్టి హనుమాన్ మూవీకి ప్రేక్ష‌కులు బ్ర‌హ్మ‌ర‌థం ప‌డుతున్నారు.
అయితే సినిమా విడుదల అయ్యి ఇన్ని రోజులు అవుతున్న కూడా ఈ సినిమా మేనియా ఇంకా తగ్గడం లేదు.ఇప్పటి వరకు హనుమాన్ సినిమా ఏకంగా రూ.300 కోట్లకు పైగా వసూళ్లను రాబట్టింది.టాలీవుడ్ చరిత్రలో సంక్రాంతి భారీ బ్లాక్ బస్టర్ సినిమాగా హనుమాన్ నిలిచింది.
ఇది ఇలా ఉంటే ప్రస్తుతం చిత్ర బృందం ఈ సినిమా సక్సెస్ ను ఎంజాయ్ చేస్తూనే వరుసగా ఇంటర్వ్యూలకు హాజరవుతున్నారు.అందులో భాగంగానే తాజాగా ఒక ఇంటర్వ్యూలో పాల్గొన్న తేజా హనుమాన్ మూవీ గురించి ఆసక్తికర వ్యాఖ్యలు చేశారు.
ఈ సందర్భంగా తేజ మాట్లాడుతూ.
మేము హనుమాన్ సినిమా కోసం రెండున్నర సంవత్సరాల పాటు కష్టపడ్డాము.ఈ రెండున్నర ఏళ్లలో నా వద్దకు ఏకంగా 70 నుంచి 75 సినిమా ఆఫర్లు నా వద్దకు వచ్చాయి.కానీ నేను హనుమాన్ సినిమా తర్వాతే ఏ సినిమా అయినా అంటూ వాటన్నింటిని తిరస్కరించాను అని చెప్పుకొచ్చాడు తేజా.
అయితే హీరో తేజ సజ్జా 75 సినిమాలు కాదని హనుమాన్ సినిమా కోసం రెండున్నర ఏళ్లు కష్టపడినందుకు ప్రతిఫలం ఆ స్థాయిలోనే లభించింది.పది సినిమాలు చేసినా దక్కని గుర్తింపు గౌరవం కేవలం హనుమాన్ సినిమాతో తేజకి దక్కింది అనడంలో సందేహం లేదు.
హనుమాన్ సినిమా తేజ కెరీర్‌ లో నిలిచి పోయే సినిమా అయ్యింది.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
