ఇటీవల వాల్‌మార్ట్‌( Walmart ) స్టోర్‌లో ఒక చిన్నమ్మాయి అల్లరి చేస్తున్న వీడియో సోషల్ మీడియాలో వైరల్ అయింది.ఈ వీడియోలో ఆమె షెల్ఫ్‌ల నుంచి సరుకులను నేలపైన విసిరేస్తోంది.
వస్తువులను కింద పారేస్తూ చుట్టూ గందరగోళం సృష్టిస్తున్నది.దీంతో కస్టమర్లు, ఉద్యోగులు షాక్‌కు గురయ్యారు.
ఆ బాలిక( Girl ) డెలీ కౌంటర్ వైపు వెళ్తున్నప్పుడు, ఆమెను ఆపడానికి ఇద్దరు మహిళలు ప్రయత్నించారు.కానీ ఆమె నేలమీద పడి బీభత్సం సృష్టించడంతో వారు ఆమెను నియంత్రించలేకపోయారు.“ఆమె తల్లి లేదా ఆమెతో ఉన్న వ్యక్తి ఎక్కడ?” అని ఒక కస్టమర్ అడుగుతున్న శబ్దం ఆ వీడియోలో వినిపిస్తోంది.
ఆ అమ్మాయి అక్కడితో ఆగలేదు.
ఇతర వస్తువులను కూడా విసిరింది, డిస్‌ప్లే వస్తువులపై కిందపడేసి వాటిని తన బూటు కాలుతో కొట్టింది.సరుకులను అన్ని చోట్ల చల్లి గందరగోళం సృష్టించింది.
కొంతమంది స్టోర్ ఉద్యోగులు( Store Staff ) దగ్గరే నిలబడి, ఏం చేయాలో తెలియక వింతగా చూస్తున్నారు.ఆ అమ్మాయితో కలిసి వచ్చినట్లు కనిపించే ఒక మహిళ, ఆమెను అనుసరిస్తూ ఆమె ప్రవర్తనను సమర్థించింది.
మధ్యలో జోక్యం చేసుకోవడానికి ప్రయత్నించిన వారిని ఉద్దేశించి, “మీకు ఆమె ఎంత బాధ పడుతుందో తెలియదు” అని ఆమె కోపంగా అంది.ఆ అమ్మాయి జ్యూస్ సెక్షన్‌కు చేరుకున్నప్పుడు గందరగోళం మరింత పెరిగింది.
ఆమె స్పార్క్లింగ్ గ్రేప్ జ్యూస్ బాటిళ్లను పగలగొట్టింది.దాంతో నేలపై గాజు ముక్కలు చిందరవందరగా పడ్డాయి.ఊదా రంగు ద్రవం స్టోర్‌లోని ఫ్లోర్ అంతా చిమ్మింది.ఆమెను ఆపడానికి ప్రయత్నించిన ఒక వ్యక్తిని ఉద్దేశించి, ఆ మహిళ “ఒక చిన్న అమ్మాయితో అలా చేయకండి!” అని అరిచింది.
ఆ వీడియో ఆ అమ్మాయిని ఒక వ్యక్తి తన భుజం మీద ఎత్తుకుని వెళ్తున్న దృశ్యంతో ముగుస్తుంది.ఆ వ్యక్తి ఎవరు, తర్వాత ఏం జరిగిందో తెలియ రాలేదు.ఈ వీడియోను 4 మిలియన్లకు పైగా మంది చూశారు.చాలా మంది ఆ చిన్నారి ప్రవర్తనను, తల్లిదండ్రుల నిర్లక్ష్యాన్ని తప్పుబట్టారు.“చెడు పెంపకం” లేదా తల్లిదండ్రుల నిర్లక్ష్యం వల్ల ఇలాంటి సంఘటనలు జరుగుతున్నాయని విమర్శలు వ్యక్తమయ్యాయి.చాలామంది ఈ పరిస్థితిని అంగీకరించలేకపోయారు, ఇది చెడు శిక్షణకు నిదర్శనమని అన్నారు.
