వీడియో: ఇది మాములు ట్రిక్ కాదు.. మెట్రో స్టేషన్‌లో దిమ్మతిరిగే రీతిలో దొంగతనం..

ఈరోజుల్లో దొంగలు పట్ట పగలే చోరీలు చేస్తున్నారు.అది కూడా పబ్లిక్ ప్లేస్‌ల్లో! ఎవరికీ పట్టుబడకుండా అమాయకుల కళ్లు గప్పి వీరు ఈజీగా విలువైన వస్తువులు, డబ్బులు కొట్టేస్తున్నారు.

ఆడ దొంగలు కూడా ఈ కళలో ఆరితేరుతున్నారు.తాజాగా ఢిల్లీ( Delhi )లో రాజీవ్ చౌక్ స్టేషన్‌లో ముగ్గురు మహిళా దొంగలు ఓ మెట్రో ప్యాసింజర్‌ను తికమక పెట్టి బ్యాగ్‌లోని వస్తువులు దొంగలించారు.

వీరి దొంగతనానికి సంబంధించిన వీడియోను ఒకరు ఫోన్ కెమెరాలో రికార్డ్ చేశారు.ఈ ఫుటేజ్‌లో నిందితుల ముఖాలు, నేరం వివరాలు ఉన్నాయి.

వైరల్ వీడియో ఓపెన్ చేస్తే మెట్రో స్టేషన్‌లో ప్రజలు తమ రైళ్ల కోసం వెయిట్ చేస్తున్న సాధారణ దృశ్యం కనిపిస్తుంది.ఆ తర్వాత, బ్యాగ్‌ని మోసుకెళ్లే ప్యాసింజర్‌ను లక్ష్యంగా చేసుకున్న ముగ్గురు మహిళలు కనిపిస్తారు.వారిలో ఒకరు తన దుపట్టా లేదా పొడవాటి కండువాతో బ్యాగ్‌ను కప్పి, అందులోని వస్తువులను దొంగిలించింది.మిగిలిన ఇద్దరు ప్యాసింజర్‌ చుట్టూ గుంపుగా వచ్చి ప్యాసింజర్‌ను నెట్టడం ద్వారా తోటి ప్యాసింజర్లుగా వ్యవహరిస్తారు
.

ఈ ఘటన ఎప్పుడు జరిగిందో వీడియోలో పేర్కొనలేదు, అయితే ఇది కొన్ని నెలల నాటిది అని తెలుస్తోంది.ఈ ఏడాది ఆగస్టులో ఢిల్లీ మెట్రో( Delhi Metro ) పోలీసులు ఇదే తరహాలో నలుగురు మహిళా జేబు దొంగల ముఠాను అరెస్టు చేశారు.మెట్రో ప్రయాణికులను దోచుకోవడానికి ముఠా సభ్యులు నెట్టడం, గుమిగూడినట్లు ప్రవర్తించడం చేస్తారు.ఈ టెక్నిక్‌ ఉపయోగించే వారు ఇప్పటికే చాలా మందిని దోపిడీ చేశారు. ఢిల్లీ మెట్రో పోలీసులకు ఫిర్యాదు చేయడంతో వారిని రాజీవ్ చౌక్ స్టేషన్‌లో పట్టుకున్నారు.పోలీసులు రాజీవ్ చౌక్, కీర్తి నగర్ మెట్రో స్టేషన్లలోని సీసీటీవీ ఫుటేజీ( CCTV footage )ని ఉపయోగించి ముఠాను గుర్తించి పట్టుకున్నారు.

మహిళలు ఢిల్లీలోని ఆనంద్ పర్బత్ ప్రాంతానికి చెందిన వారని, నిరుపేదలని పోలీసులు తెలిపారు.