అమెజాన్ తమ సైట్‌ ద్వారా షాపింగ్ చేస్తున్న వారికి అద్భుతమైన టెక్నాలజీని పరిచయం చేస్తోంది.‘వర్చువల్ ట్రై-ఆన్‘ అనే కొత్త ఫీచర్‌ను ప్రకటించింది.కస్టమర్‌లు తమ మొబైల్ ఫోన్ కెమెరాను ఉపయోగించి బహుళ కోణాల నుండి ఒక జత కొత్త షూలు తాము వేసుకుంటే సరిపోతాయో లేదో అని పరిశీలించుకోవచ్చు.కస్టమర్ల కొనుగోలు నిర్ణయాలను తెలియజేస్తూనే బ్రాండ్‌లు తమ ఉత్పత్తులను మెరుగ్గా ప్రదర్శించేందుకు ఈ ఫీచర్ సహాయపడుతుందని కంపెనీ పేర్కొంది.
అథ్లెటిక్ షర్ట్‌ల కోసం ఇటీవల ఇతర వర్చువల్ ట్రై-ఆన్ టెక్నాలజీని అందుబాటులోకి తీసుకొచ్చింది.దీనికి సంబంధించిన వివరాలిలా ఉన్నాయి.
యూఎస్, కెనడాలో అమెజాన్ ఐఓఎస్ షాపింగ్ యాప్‌లో ఈ సేవలు అందుబాటులో ఉన్నాయి.న్యూ బ్యాలన్స్, అడిడాస్, రీబక్, ప్యూమా వంటి ప్రముఖ బ్రాండ్‌ల నుంచి వేలకొద్దీ స్టైల్‌లు, డిజైన్లతో కూడిన షూలు ఇందులో ఉంటాయి.
ఆన్‌లైన్‌లో ఫ్యాషన్ కోసం షాపింగ్ చేయడం సులభంగా మార్చాలనేది అమెజాన్ ఫ్యాషన్ యొక్క లక్ష్యం అని సంస్థ ఫ్యాషన్ ప్రెసిడెంట్ ముగే ఎర్డిరిక్ డోగన్ అన్నారు.కస్టమర్‌లకు మరింత ఆనందదాయకంగా ఉండేలా వినూత్న అనుభవాన్ని అందిస్తామన్నారు.
ఒక జత బూట్లను ఎంచుకున్న తర్వాత, వినియోగదారులు ప్రొడక్ట్ చిత్రం క్రింద ఉన్న “వర్చువల్ ట్రై-ఆన్” బటన్‌ను నొక్కవచ్చు, వారి ఫోన్‌ను వారి పాదాల వైపు చూపాలి.స్టైల్ ఎలా ఉంటుందో ఆగ్మెంటెడ్ రియాలిటీ ద్వారా చెక్ చేసుకోవచ్చు.
ఒకే శైలి కోసం విభిన్న రంగుల ఎంపికల మధ్య త్వరగా మారడానికి ఈ ఫీచర్ వినియోగదారులను ఆకట్టుకుంటోంది.
