టాలీవుడ్ సూపర్ స్టార్ మహేష్ బాబు నటించిన రీసెంట్ మూవీ ‘సరిలేరు నీకెవ్వరు’ సంక్రాంతి కానుకగా రిలీజ్ అయ్యి బాక్సాఫీస్ వద్ద సెన్సేషనల్ హిట్ మూవీగా నిలిచింది.ఈ సినిమా పూర్తి మాస్ యాక్షన్ ఎంటర్‌టైనర్‌గా రావడంతో ప్రేక్షకులు ఈ సినిమాను చూసేందుకు ఎగబడ్డారు.
ఇక ఈ సినిమా అందించిన జోష్‌తో తన నెక్ట్స్ మూవీ ‘సర్కారు వారి పాట’ను ఇప్పటికే అనౌన్స్ చేశాడు మహేష్.కాగా ఈ సినిమా కథ చూస్తే ఇందులో మాస్ అంశాలు చాలా తక్కువగా ఉంటాయని అందరూ అనుకున్నారు.
కానీ అందరికీ షాకిస్తూ ఈ సినిమాలో మాస్ అంశాలను ఎక్కడా మిస్ కాకుండా జాగ్రత్త పడుతున్నాడట ఈ సినిమా డైరెక్టర్ పరశురామ్.క్లాస్ సబ్జెక్ట్ అయినా కూడా మాస్ అంశాలను పుష్కలంగా పెట్టి సినిమాను ప్రేక్షకులకు మరింత దగ్గరగా చేసేందుకు పరశురామ్ అదిరిపోయే స్క్రిప్టును రెడీ చేసినట్లు ఇండస్ట్రీ వర్గాల్లో వార్తలు వినిపిస్తున్నాయి.
కాగా మహేష్ లుక్ ఈ సినిమాలో సరికొత్తగా ఉండబోతుందని ఇప్పటికే ప్రీలుక్ పోస్టర్స్‌తో తెలిపిన చిత్ర యూనిట్, ఆ లుక్‌కు తగ్గట్టుగా మాస్ ఎలిమెంట్స్‌ను పీక్స్‌గా చూపించేందుకు రెడీ అవుతున్నారు.
ఆర్థిక నేరాల బ్యాక్‌డ్రాప్‌తో తెరకెక్కనున్న ఈ సినిమాలో మహేష్ చాలా అల్ట్రా స్టైలిష్ లుక్‌లో దర్శనమిస్తాడు.
ఇక మహేష్ సరసన ఈ సినిమాలో అందాల భామ కీర్తి సురేష్ హీరోయిన్‌గా నటిస్తోన్నట్లు చిత్ర వర్గాలు అంటున్నాయి.ఈ సినిమా షూటింగ్‌ను వీలైనంత త్వరగా మొదలుపెట్టాలని చిత్ర యూనిట్ భావిస్తోంది.
మరి ‘సర్కారు వారి పాట’లో మాస్ ప్రేక్షకులను ఆకట్టుకునే అంశాలు ఎలా ఉండబోతున్నాయో తెలియాలంటే సినిమా రిలీజ్ అయ్యే వరకు ఆగాల్సిందే.
