విధి నిర్వహణలో ప్రాణత్యాగం: సిక్కు పోలీస్ అధికారికి యూఎస్ సెనేట్ ఘన నివాళి

హూస్టన్‌లోని హరీస్ కౌంటీ డిప్యూటీ పోలీస్ ఆఫీసర్‌గా విధులు నిర్వహించిన 42 ఏళ్ల సందీప్ సింగ్ గతేడాది సెప్టెంబర్‌లో ఓ దుండగుడిలో చేతిలో కాల్చి చంపబడిన సంగతి తెలిసిందే.ఓ వాహనదారుడు ట్రాఫిక్ నిబంధనలు అతిక్రమించడంతో అతడ్ని ఆయన ఆపారు.అంతే… సదరు వ్యక్తి కారులో నుంచి దిగి ధలివాల్‌పై విచక్షణరహితంగా కాల్పులకు తెగబడ్డాడు.దాంతో ధలివాల్ అక్కడికక్కడే చనిపోయారు.

కాగా, నిందితుడికి ఈ కేసులో అక్కడి న్యాయస్థానం ఉరి శిక్ష విధించింది.వృత్తి పట్ల ధలివాల్ అంకితభావం, త్యాగానికి గుర్తింపుగా కొద్దిరోజుల క్రితం అక్కడి ‘బెల్ట్‌వే 8 టోల్‌వే‘లో కొంత భాగానికి ఆయన పేరు పెట్టిన సంగతి తెలిసిందే.‘హెచ్‌సీఎస్ఓ డిప్యూటీ సందీప్ సింగ్ ధలివాల్ మెమోరియల్ టోల్‌వే’గా నామాకరణం చేశారు.10వేలకు పైగా సిక్కులు ఉండే హారిస్ కౌంటీలో తలపాగా, గడ్డంతో విధులు నిర్వహించిన తొలి సిక్కు వ్యక్తిగా ధలివాల్ వార్తల్లో నిలిచారు.ఆయన పదేళ్ల పాటు అమెరికన్ పోలీస్ డిపార్ట్‌మెంట్‌లో కొనసాగారు.