రాజీలేని పోరాటం పవన్ కు కలిసి వస్తుందా ?

పూర్తిస్థాయి డేటాని మైక్రో లెవెల్ కి వెళ్లి సేకరిస్తున్న వాలంటీర్లు తమకు తెలియకుండానే ప్రజల మీద కంట్రోల్ ను అధికార పార్టీకి అప్పజెపుతున్నారని, ఈ లింక్ తేగ్గొట్టకపోతే నిష్పక్షపాతంగా ఎన్నికలు జరగడం సాధ్యం కాదని నమ్ముతున్న పవన్ దీనిపై రాజీలేని పోరాటం చేసేందుకే సిద్ధమయ్యారు.తన వ్యాఖ్యల వల్ల కొంత నష్టం జరుగుతుందని , ప్రజలతో ప్రత్యక్షంగా మమేకమై పోయిన వాలంటీర్ల మీద విమర్శలు సామాన్య జనంలో కొంత వ్యతిరేకత తీసుకొస్తుందని తెలిసినా కూడా పవన్ ముందుకే వెళ్ళటానికి సిద్ధమయ్యారు.డేటా ప్రైవసీ ( Data Privacy )అన్నది ప్రజాస్వామ్య హక్కు అని ఇలా సంక్షేమ పథకాల పేర్లతో వారి వివరాలు మొత్తం వాలంటీర్ల చేతిలో పెట్టడం ద్వారా ప్రజల భద్రత పరంగానూ మంచిది కాదని వాదిస్తున్న పవన్ ఈ వ్యవస్థపై న్యాయ పోరాటం చేయడానికి సిద్ధమైనట్లుగా తెలుస్తుంది.

అమాయకులైన వాలంటీర్లను తాను ఏమీ అనడం లేదని వాలంటీర్ల ముసుగులో సంఘవిద్రోహ చర్యలకు పాల్పడుతున్న ఉదాహరణలు రోజువారి పేపర్లో మనం అనేకం చూస్తున్నామని నేను అలాంటి వారిని ఉద్దేశించే మాట్లాడుతున్నానని, అంతేకాకుండా ఏ రకమైన అధికారిక కట్టుబాటు లేనటువంటి వాలంటీర్ వ్యవస్థ వల్ల రాష్ట్రానికి నష్టం జరుగుతుందని పవన్ బల్లగుద్ది వాదిస్తున్నారు.

మరి ఈ మరి ఈ మొత్తం ప్రాసెస్ లో వాలంటీర్ వ్యవస్థ( Volunteers ) పై పోరాటంలో పవన్ గెలుస్తారో ఓడుతారో తెలియదు కానీ పూర్తిస్థాయి చర్చ జరిగేలా మాత్రం పవన్ ప్రయత్నిస్తున్నారని చెప్పవచ్చు

.