ఈరోజుల్లో కొంతమంది యువత సోషల్ మీడియాలో ఫేమస్ కావాలనే తాపత్రయంలో చాలా దూరం వెళ్తున్నారు.ఆ క్రమంలో ప్రాణాలు కూడా పోగొట్టుకుంటున్నారు.
ఇటీవల హరిద్వార్‌లో( Haridwar ) ఓ అమ్మాయి రీల్స్ చేస్తూ తన ప్రాణాల మీదకు తెచ్చుకుంది.మతపరమైన ప్రాముఖ్యత కలిగిన ఈ ప్రదేశంలో ఆ యువతి సోషల్ మీడియా కోసం రీల్ చేస్తుండగా ఒక దుర్ఘటన జరిగింది.
ఇది దేశవ్యాప్తంగా కలకలం రేపింది.ఆమె విష్ణుఘాట్‌ దగ్గర( Vishnughat ) గంగానదిలోకి జారిపడింది.
వైరల్ అయిన వీడియోలో, ఆ యువతి లైక్‌లు, కామెంట్‌లు, ఫాలోవర్లు పెంచుకోవడానికి నది ఒడ్డున నాట్యం చేస్తోంది.సోషల్ మీడియాలో ప్రసిద్ధి చెందాలనే తాపత్రయంలో ఆమె జారి నదిలో పడిపోయింది.
అదృష్టవశాత్తు, ఆమెకు ఈత కొట్టడం తెలుసు.కాబట్టి ఆమె రెస్క్యూ చేసే వరకు నీటిలో తేలియాడింది.
ఈ సంఘటన అన్ని సోషల్ మీడియా ప్లాట్‌ఫామ్‌లలో వైరల్ అయింది, పెద్ద సంచలనం కలిగించింది.
నది ఒడ్డున యాక్టివిటీస్ నిర్వహించే శ్రీ గంగా సభ, ఇలాంటి ప్రమాదకర కార్యక్రమాలపై ఎన్నోసార్లు హెచ్చరికలు జారీ చేసింది.ప్రజలను వీడియో రికార్డింగ్, ఫోటోలు తీయడం సురక్షిత ప్రాంతాలకు పరిమితం చేయాలని, ముఖ్యంగా హర్ కి పౌరి, సమీపంలోని ఇతర ఘాట్‌ల వద్ద జాగ్రత్తగా ఉండాలని కోరింది.కానీ ప్రమాదాన్ని లెక్క చేయకుండా, ఎలాగైనా వీడియో వైరల్ చేసుకోవాలని చాలా మంది ఆసక్తి చూపిస్తున్నారు.
శ్రీ గంగా సభ ( Shri Ganga Sabha )ఎన్నోసార్లు హెచ్చరికలు ఇచ్చినా, ప్రజలు వాటిని పట్టించుకోవడం లేదు.అయితే, సభ ఫిర్యాదు చేయడంతో పోలీసులు కఠిన చర్యలు తీసుకుంటున్నారు.సోషల్ మీడియా కోసం ప్రాణాలను ప్రమాదంలో పెట్టే వారిపై జరిమానాలు విధిస్తున్నారు.కానీ, ఇలాంటి సంఘటనలు ఇప్పటికీ జరుగుతున్నాయి కాబట్టి, ఇంకా కఠిన చర్యలు తీసుకోవాలి.ఇటీవల కురిసిన భారీ వర్షాల కారణంగా నదులు, వాగులు ఉప్పొంగి ప్రవహిస్తున్నాయి.ఈ సమయంలో ఇలాంటి ప్రయత్నాలు చేయడం చాలా ప్రమాదకరం.
ముఖ్యంగా గంగానది నీటి మట్టం పెరిగింది కాబట్టి, ప్రజలు కొద్ది నిమిషాల పాపులారిటీ కోసం ప్రాణాలను ప్రమాదంలో పెట్టకూడదు.
