మెగా పవర్ స్టార్ రామ్ చరణ్ తేజ్ RRR సినిమా తర్వాత వస్తున్న చిత్రం ఆచార్య.కొరటాల శివ దర్శకత్వంలో తెరకెక్కిన ఈ సినిమాలో చిరంజీవితో పాటు మెగా పవర్ స్టార్ రామ్ చరణ్ కూడా నటించారు.
ఇక ఈ సినిమా 29వ తేదీ విడుదలకు సిద్ధమైంది.ఈ క్రమంలోనే పెద్దఎత్తున సినిమా ప్రమోషన్ కార్యక్రమాలను నిర్వహిస్తున్నారు.
ఈ సినిమా ప్రమోషన్ కార్యక్రమాల్లో భాగంగా ఎన్నో ఇంటర్వ్యూలో పాల్గొన్న రామ్ చరణ్ ఈ సినిమా గురించి ఎన్నో ఆసక్తికరమైన విషయాలను వెల్లడించారు.
ఈ సందర్భంగా ఈ సినిమా ప్రెస్ మీట్ లో పాల్గొన్న చిత్ర బృందాన్ని విలేకరులు పలురకాల ప్రశ్నలు అడుగుతూ ఆశక్తికరమైన సమాధానాలను రాబట్టారు.
ఈ క్రమంలోనే రామ్ చరణ్ ప్రశ్నిస్తూ ఆచార్య సినిమాలో మీకు నచ్చిన మీ ఫేవరెట్ సీన్ ఏది అని ప్రశ్నించగా … ఈ ప్రశ్నకు రామ్ చరణ్ ఆసక్తికరమైన సమాధానం చెప్పారు.ఈ సినిమాలో భాగంగా అడవులలో ఒక చెరువు ఒడ్డున చరణ్ నీళ్లు తాగుతూ ఉండగా అవతలి ఒడ్డున చిరుత పిల్ల కూడా నీళ్లు తాగుతూ ఉంటుంది.
ఇక ఆ చిరుత పిల్ల వెనక తన తల్లి ఉండగా.చరణ్ వెనకాలే మెగాస్టార్ ఉంటారు.ఈ సీన్ తనకు ఎంతో ఇష్టమని రామ్ చరణ్ ఈ సందర్భంగా వెల్లడించారు.
ఇక ఈ సినిమా పోస్టర్ రిలీజ్ లో భాగంగా ఈ పోస్టర్ విడుదల చేయడంతో ప్రేక్షకులను విపరీతంగా ఆకట్టుకుంది.అప్పటినుంచి ఈ సీన్ కు విపరీతమైన రెస్పాన్స్ వచ్చింది.ఈ క్రమంలోనే ఈ సినిమా విడుదల దగ్గర పడుతున్న సమయంలో చరణ్ ఫేవరెట్ సీన్ కూడా అదే అని చెప్పడం గమనార్హం.
ఇక ఈ సినిమాలో చరణ్ సుమారు 40 నిమిషాల పాటు సందడి చేయనున్నారు.ఆచార్య సినిమా కథ మొత్తం చరణ్ చుట్టూ తిరుగుతుందని, ఈ సినిమాకి చరణ్ పాత్ర కీలకంగా ఉందని సమాచారం.
ఏది ఏమైనా తండ్రి కొడుకులు ఇద్దరిని కలిసి ఇలా ఒకే తెరపై చూడటానికి మెగా అభిమానులు ఎంతో ఆసక్తిగా ఎదురుచూస్తున్నారు.
తెలుగు వార్త విశేషాలు సులభముగా తెలుసుకోండి!!!!
