భారత అంతరిక్ష పరిశోధన సంస్థ (ఇస్రో) మరో ప్రయోగానికి శ్రీకారం చుట్టింది.చంద్రయాన్ -3 విజయవంతం కావడంతో ఇస్రో సూర్యుడిపై పరిశోధనలు చేసేందుకు గానూ ఆదిత్య ఎల్-1 ను ప్రయోగించనుంది.
ఈ మేరకు పీఎస్ఎల్వీసీ -57 రాకెట్ ప్రయోగానికి ఇస్రో సిద్ధమైంది.ఈ ప్రయోగానికి ఇప్పటికే కౌంట్ డౌన్ ప్రారంభం కాగా ఇవాళ ఉదయం 11 గంటల 50 నిమిషాలకు రాకెట్ ను శాస్త్రవేత్తలు ప్రయోగించనున్నారు.
సూర్యుడి వాతావరణాన్ని అక్కడి రహస్యాలను తెలుసుకునేందుకు ఆదిత్య ఎల్-1 ఉపగ్రహంతో పీఎస్ఎల్వీసీ -57 రాకెట్ నింగిలోకి దూసుకెళ్లనుంది.ఆదిత్య ఎల్ -1 ఉపగ్రహం నాలుగు నెలల పాటు ప్రయాణించి భూమి నుంచి సూర్యుడి దిశగా ఉన్న ఎల్ 1 పాయింట్ ను చేరుకోనుంది.
ఇది భూమికి దాదాపు 15 లక్షల కిలోమీటర్ల దూరంలో ఉంది.అయితే ఇంత దూరం ఇస్రో ఉపగ్రహాన్ని ప్రయోగించడం ఇదే తొలిసారి కావడం సర్వత్రా ఉత్కంఠ నెలకొంది.
