బాలకృష్ణ( Balakrishna ) తాజాగా అనిల్ రావిపూడి( Anil Ravipudi ) దర్శకత్వంలో నటించిన భవంత్ కేసరి ( Bhagavanth Kesari ) సినిమా ద్వారా ప్రేక్షకుల ముందుకు రావడానికి సిద్ధమవుతున్నారు.ఈ సినిమా ఎన్నో అంచనాల నడుమ దసరా పండుగను పురస్కరించుకొని అక్టోబర్ 19వ తేదీ ప్రేక్షకుల ముందుకు వచ్చింది.
అక్టోబర్ 19వ తేదీ విడుదలైనటువంటి ఈ సినిమా సెన్సేషనల్ బ్లాక్ బస్టర్ అందుకున్న విషయం మనకు తెలిసిందే.ఈ సినిమా విడుదల అయ్యి ఆరు రోజులు అవుతున్నప్పటికీ హౌస్ ఫుల్ రన్ అవుతూ భారీ స్థాయిలో కలెక్షన్లను రాబడుతున్నాయి.
ఇప్పటివరకు బాలకృష్ణను మనం రాయలసీమ బ్యాగ్రౌండ్ సినిమాలలో నటించడం చూసాము అయితే మొదటిసారి అనిల్ రావిపూడి దర్శకత్వంలో వచ్చిన ఈ సినిమాలో మాత్రం బాలకృష్ణ తెలంగాణ యాసలో మాట్లాడుతూ తెలంగాణ నేపథ్యంలో ప్రేక్షకుల ముందుకు వచ్చారు అయితే ఈ సినిమా విపరీతంగా ప్రేక్షకులను ఆకట్టుకుందని చెప్పాలి.ఈ సినిమా తండ్రీ కూతుర్ల నేపథ్యంలో ప్రేక్షకుల ముందుకు వచ్చింది.ఇందులో కాజల్ అగర్వాల్ ( Kajal Aggarwal )హీరోయిన్ పాత్రలో నటించగా బాలకృష్ణకు కూతురి పాత్రలో శ్రీ లీల ( Sreeleela )నటించారు.
ఇలా తండ్రి కూతురు నేపథ్యంలో కొనసాగిన ఈ సినిమా పెద్ద ఎత్తున ప్రేక్షకులను ఆకట్టుకుందని చెప్పాలి.ఇక ఈ సినిమా విడుదల అయ్యి ఆరు రోజులు అవుతున్నప్పటికీ ఏఏ ప్రాంతాలలో ఎంత కలెక్షన్స్ రాబట్టింది అనే విషయానికి వస్తే… నైజాం ఏరియా12.7కోట్లు, సీడెడ్10.9 కోట్లు, గుంటూరు 5.1 కోట్లు, కృష్ణ 2.6 కోట్లు, నెల్లూరు 1.8 కోట్లు, ఈస్ట్ గోదావరి2.4 కోట్లు, వెస్ట్ గోదావరి2.2 కోట్లు, కర్ణాటక 3.8 కోట్లు, ఓవర్సీస్ 6 కోట్లు, ఉత్తరాంధ్ర 3.8 కోట్లు, ROI 0.5 కోట్లు ఇలా అన్ని ప్రాంతాలలో కలిపి ఆరు రోజులలో భగవంతు కేసరి సినిమా( Bhagavanth Kesari ) ఏకంగా 51.8 కోట్ల కలెక్షన్స్ సాధించింది.
