సంక్రాంతి పండుగ సందర్భంగా దేశవ్యాప్తంగా చాలామంది గాలిపటాలను ఎగురవేస్తున్నారు.ఈ గాలిపటాల దారాలు, అలాగే గాలిపటాల వల్ల పక్షులకు గాయాలు అవుతున్నాయి.
ఈ నేపథ్యంలోనే ఢిల్లీకి చెందిన ప్రభుత్వేతర సంస్థ వైల్డ్‌లైఫ్ SOS ఎకో రెస్క్యూర్స్ ఫౌండేషన్‌తో కలిసి రాజస్థాన్‌లోని జైపూర్‌లోని మాల్వియా నగర్ ప్రాంతంలో ఉచిత పక్షుల చికిత్స శిబిరాన్ని నిర్వహిస్తోంది.ఈ నాలుగు రోజుల శిబిరాన్ని మకర సంక్రాంతి పండుగ సందర్భంగా పక్షి ప్రాణనష్టం కోసం ఏర్పాటు చేశారు.
సంక్రాంతి వేడుకలలో గాలిపటాలు ఎగురు వేయడం కామన్.వీటిని గాజు పూతతో లేదా ‘చైనీస్ మాంజా‘లను ఉపయోగించడం జరుగుతుంది.
ఈ గాలిపటాల మాంజా దారాలు పక్షుల సున్నితమైన శరీరాన్ని సులభంగా కత్తిరించి వాటి రెక్కలు, అవయవాలకు హాని కలిగించగలవు.జనవరి 12న ప్రారంభమైన ఈ శిబిరాన్ని రాజస్థాన్ స్మాల్ ఇండస్ట్రీస్ కార్పొరేషన్ చైర్మన్ రవి అరోరా ప్రారంభించారు.ఇందులో అడ్వాన్స్‌డ్‌ మెడికల్ ఆపరేషన్ థియేటర్, మెడికల్ ఫెసిలిటీస్, గాయపడిన పక్షులకు రవాణా క్యారియర్లు ఉన్నాయి.ఇక ఆన్-సైట్‌లో ఉన్న వెటర్నరీ టీమ్ ఇప్పటికే అనేక పావురాలు, ఒక బార్న్ గుడ్లగూబ, ఫ్రూట్ బ్యాట్ తో సహా 30 పక్షులకు వైద్యం చేసి వాటి ప్రాణాలను బతికించారు.
ఈ పక్షులు రెక్కల గాయాలు, ఎముక పగుళ్లు, కండరాల విరుగుట, మొదలైన సమస్యలతో బాధపడ్డాయి.
ఈ శిబిరం గురించి వైల్డ్‌లైఫ్ ఎస్‌ఓఎస్ సీఈవో కార్తిక్ సత్యన్నారాయణ మీడియాతో మాట్లాడుతూ.“ప్రాణాంతకమైన కైట్స్‌ మాంజాలో చిక్కుకున్న పక్షులను రక్షించడం అత్యంత జాగ్రత్తగా నిర్వహించాల్సిన పని.ప్రభుత్వం నిషేధించినప్పటికీ సింథటిక్ మాంజా కొనసాగుతోంది.వీటిని నిర్దేశించిన బహిరంగ ప్రదేశాలలో మాత్రమే ఉపయోగించడం, పత్తి దారం లేదా సహజ ఫైబర్‌ని ఎంచుకోవడం సంబంధిత మరణాల ప్రమాదాలను తగ్గించడంలో, అనేక పక్షుల ప్రాణాలను రక్షించడంలో సహాయపడుతుంది.” అని అన్నారు.
