మాస్ రాజా రవితేజ నటిస్తున్న తాజా చిత్రం క్రాక్ రలీజ్‌కు రెడీ అయిన సంగతి తెలిసిందే.ఈ సినిమాతో మరోసారి తనదైన మార్క్ వేసుకునేందుకు మాస్ రాజా రెడీ అవుతున్నాడు.
కాగా ఈ సినిమాతో రవితేజతో కలిసి యంగ్ డైరెక్టర్ గోపీచంద్ మలినేని ముచ్చటగా మూడోసారి సక్సెస్ అందుకోవాలని చూస్తున్నాడు.ఈ సినిమా తనకు కచ్చితంగా కమ్‌బ్యాక్ మూవీ అవుతుందని రవితేజ ధీమాగా ఉన్నాడు.
ఇక ఈ సినిమాలో రవితేజ పోలీస్ ఆఫీసర్ పాత్రలో నటిస్తున్నట్లు ఈ చిత్రం పోస్టర్స్, టీజర్స్ చూస్తే తెలుస్తోంది.పూర్తి యాక్షన్ ఎంటర్‌టైనర్‌గా తెరకెక్కిన ఈ సినిమాలో కామెడీకి కొదువే లేదని చిత్ర యూనిట్ అంటోంది.
ఇక ఈ సినిమా పవర్ స్టార్ పవన్ కళ్యాణ్ నటించిన గబ్బర్‌సింగ్‌ను పోలి ఉంటుందని చిత్ర యూనిట్ ధీమా వ్యక్తం చేస్తున్నారు.పవన్‌కు ఆ సినిమా ఎలాంటి సక్సెస్‌ను అందించిందో, రవితేజకు క్రాక్ కూడా అలాంటి హిట్ అందిస్తుందని వారు అంటున్నారు.
కాగా ఈ సినిమాలో రవితేజ పాత్ర అల్టిమేట్‌గా ఉంటుందని, మాస్ ప్రేక్షకులకు బాగా నచ్చుతుందని చిత్ర యూనిట్ అంటోంది.ఇక ఈ సినిమాలో అందాల భామ శృతి హాసన్ హీరోయిన్‌గా నటిస్తోండగా, తమిళ బ్యూటీ వరలక్ష్మీ శరత్ కుమార్ ఓ కీలక పాత్రలో నటిస్తోంది.
సముథ్రికరన్ విలన్ పాత్రలో నటిస్తున్న ఈ సినిమాను అతి త్వరలో రిలీజ్ చేసేందుకు చిత్ర యూనిట్ రెడీ అవుతోంది.మరి ఈ సినిమా గబ్బర్‌సింగ్‌లా మారి విజయాన్ని అందుకుంటుందా లేక డిస్కోరాజాలా ఫ్లాప్‌గా మిగులుతుందో చూడాలి.
