తింటున్నప్పుడు ఆహారం గొంతుకు అడ్డం పడి ఒక్కోసారి ఉక్కిరి బిక్కిరికి గురవుతాం.కొన్ని సందర్భాల్లో ప్రాణాలు కూడా పోతాయి.
ఏ మాత్రం అప్రమత్తంగా లేకున్నా ఇలాంటి పరిస్థితులు జరుగుతాయి.ముఖ్యంగా చిన్న పిల్లల విషయంలో ఇలాంటివి జరిగే అవకాశం ఎక్కువగా ఉంటుంది.
అందుకే తల్లిదండ్రులు చాలా జాగ్రత్తగా ఉంటారు.తాజాగా ఇదే తరహాలో ఓ వ్యక్తి రెస్టారెంట్లో గబగబా తింటున్నాడు.
ఇంతలో అతడికి గొంతుకు ఆహారం అడ్డం పడింది.దీంతో ఊపిరి పీల్చుకోవడం కూడా కష్టం అయింది.
అయితే అప్పుడే ఓ వెయిట్రెస్ వచ్చి, అతడి పరిస్థితిని అర్ధం చేసుకుంది.ఆ వ్యక్తి ప్రాణాలను కాపాడింది.
దీనికి సంబంధించిన ఆసక్తికర వివరాలిలా ఉన్నాయి.
ఇన్స్టాగ్రామ్లో గుడ్ న్యూస్ మూవ్మెంట్ అనే పేజీలో ఓ ఆసక్తికర వీడియో పోస్ట్ అయింది.
ఆ వీడియోలో ఒక వ్యక్తి తన కుటుంబంతో కలిసి టేబుల్పై కూర్చున్నట్లు కనిపిస్తుంది.అతడు ఆహారం తింటున్నప్పుడు అనుకోకుండా అది గొంతులో అడ్డం పడి ఇబ్బంది పడతాడు.
కొన్ని క్షణాలు ఉక్కిరిబిక్కిరి అవుతాడు.అతడి అవస్థను సమీపంలో ఓ వెయిట్రెస్ గమనిస్తుంది.
సర్వింగ్ చేసే ఆమె వెంటనే వారి దగ్గరకు వెళ్తుంది.అతడి సమస్యను అర్ధం చేసుకుంటుంది.
ఏ మాత్రం ఆలస్యం చేచకుండా అతడికి యాంటీ చోక్ ట్రీట్మెంట్ అందిస్తుంది.దాని వల్ల ఆహారం గొంతులో ఇరుక్కుంటే ఉపశమనం లభిస్తుంది.
ఆమె వెంటనే ఆ పని చేయడంతో ఆ కస్టమర్ ప్రాణాలు నిలిచాయి.ఇక వెయిట్రెస్గా చేస్తున్న ఆమెకు యాంటీ చోక్ ట్రీట్మెంట్ ఎలా తెలిసిందనే సందేహం చాలా మందికి వస్తుంది.ప్రస్తుతం వెయిట్రెస్గా పని చేస్తున్న ఆమె గతంలో ఎమర్జెన్సీ మెడికల్ టెక్నీషియన్గా పని చేస్తుంది.గతంలో ఆ పనిలో అనుభవాన్ని ఉపయోగించి, యాంటీ చోక్ ట్రీట్మెంట్ ఇచ్చి ఓ వ్యక్తి ప్రాణాలను కాపాడింది.
ఆ వీడియోను ఇన్స్టాగ్రామ్లో పోస్ట్ చేయగానే నెటిజన్లు విశేషంగా స్పందిస్తున్నారు.క్షణాల్లోనే అప్రమత్తమై ఆమె ఆ కస్టమర్ ప్రాణాలు కాపాడిందని ప్రశంసిస్తున్నారు.మనం ప్రస్తుతం ఏ పని చేస్తున్నా, గతంలోని అనుభవం అక్కరకు వస్తుందని కామెంట్లు పెడుతున్నారు.