ప్రెసెంట్ అన్ని ఇండస్ట్రీలలో మల్టీ స్టారర్ సినిమాల హవా నడుస్తున్న విషయం తెలిసిందే.మన టాలీవుడ్ లో కూడా మల్టీ స్టారర్ సినిమాల జోరు నడుస్తుంది.
తాజాగా మరొక మల్టీ స్టారర్ కు శ్రీకారం చుట్టినట్టు ప్రచారం జరుగుతుంది.పవర్ స్టార్ పవన్ కళ్యాణ్ తన మేనల్లుడు సాయి ధరమ్ తేజ్ తో కలిసి ఒక సినిమా చేయబోతున్నారనిగత కొన్ని రోజులుగా వార్తలు వస్తున్నాయి.
పవన్, సాయి ధరమ్ తేజ్ కలిసి మెగా మల్టీ స్టారర్ చేయడానికి గ్రీన్ సిగ్నల్ ఇచ్చారని అంటున్నారు.ఈ సినిమా తమిళంలో సూపర్ హిట్ అయిన వినోదయ సీతం రీమేక్ అంటున్నారు.
తమిళంలో ఈ సినిమాను సముద్రఖని, తంబి రామయ్య ప్రధాన పాత్రల్లో నటించగా.తెలుగులో పవన్, సాయి ధరమ్ తేజ్ ప్రధాన పాత్రల్లో తెరకెక్కించడానికి సన్నాహాలు జరుగుతున్నాయట.
తమిళంలో డైరెక్టర్ గా వ్యవహరించిన సముద్రఖని ఈ సినిమాకు తెలుగులో కూడా దర్శకత్వం వహించబోతున్నారట.అయితే ఈ సినిమా లో త్రివిక్రమ్ కూడా భాగం కానున్నట్టు టాక్ వినిపిస్తుంది.
పవన్, త్రివిక్రమ్ స్నేహం గురించి ప్రత్యేకంగా చెప్పుకోవాల్సిన అవసరం లేదు.ఆయన కోరిక మేరకు స్టార్ డైరెక్టర్ స్క్రీన్ ప్లే, డైలాగ్స్ అందించడానికి త్రివిక్రమ్ ఎప్పుడు రెడీగా ఉంటాడు.
ప్రెసెంట్ పవన్ చేస్తున్న భీమ్లా నాయక్ సినిమాకు కూడా స్క్రీన్ ప్లే అందిస్తున్నాడు.అలాగే అన్ని విషయాలు దగ్గరుండి చూసుకుంటున్నాడు.ఇప్పుడు వినోదయ సీతం రీమేక్ ను తెలుగు నేటివిటీకి తగ్గట్టుగా పవన్ ఇమేజ్ కు తగ్గట్టుగా మార్పులు, చేర్పులు చేసే బాధ్యత త్రివిక్రమ్ కు అప్పగించాలని అనుకుంటున్నారట.ప్రెసెంట్ త్రివిక్రమ్ మహేష్ బాబుతో సినిమా చేస్తున్నాడు.
మరి ఈ సినిమాకు సమయం కేటాయించడానికి ఒప్పుకుంటాడో లేదో చూడాలి.
