మెగాస్టార్ చిరంజీవి నటిస్తోన్న లేటెస్ట్ మూవీ ‘ఆచార్య’ ఇప్పటికే 40 శాతం షూటింగ్ పూర్తి చేసుకున్న సంగతి తెలిసిందే.అయితే కరోనా వైరస్ కారణంగా ఈ సినిమా షూటింగ్కు బ్రేక్ పడింది.
కాగా ఈ సినిమాను స్టార్ డైరెక్టర్ కొరటాల శివ డైరెక్ట్ చేస్తుండటంతో అంచనాలు పీక్స్లో ఉన్నాయి.ఇక ఈ సినిమాలో చిరు సరికొత్త లుక్లో మనకు కనిపిస్తాడని చిత్ర యూనిట్ మొదట్నుండీ చెబుతూ వస్తోంది. అంతేగాక ఆచార్య సినిమాలో మెగా పవర్ స్టార్ రామ్ చరణ్ ఓ కేమియో పాత్రలో నటిస్తాడని తెలిసిందే.ఈ సినిమాలో చరణ్ పాత్ర ఏకంగా 30 నిమిషాల పాటు ఉంటుందని టాక్.
కానీ ప్రస్తుతం నెలకొన్న కరోనా వైరస్ కారణంగా ఈ సినిమా మరింత ఆలస్యం అవుతుండటంతో దర్శకుడు కొరటాల శివ ఆందోళనకు గురవుతున్నాడట.కాగా ఈ సినిమాలో వీలైనంత వరకు మార్పులు చేస్తున్నాడట.
ఇందులో భాగంగా చరణ్ కేమియో పాత్రను తగ్గించేందుకు కొరటాల ప్లాన్ చేస్తున్నాడు.చరణ్ పాత్ర నిడివికి కోత పెట్టడంతో కొంత సమయం కలిసొస్తుందని ఆయన భావిస్తున్నాడు.
ఈ విషయం తెలుసుకున్న ఫ్యాన్స్ అవాక్కవుతున్నారు.చిరు సినిమాలో చరణ్ పాత్రకు కోత పెట్టడం సమంజసం కాదని వారు అంటున్నారు.అయితే ప్రస్తుత పరిస్థితుల్లో కోత తప్పదని చిత్ర యూనిట్ అంటోంది.ఇక ఈ సినిమాలో చిరు సరసన అందాల భామ కాజల్ అగర్వాల్ హీరోయిన్గా నటిస్తోన్న సంగతి తెలిసిందే.
చరణ్ పాత్రకు కూడా ఈ సినిమాలో ఓ హీరోయిన్ ఉండనుంది.మరి ఆమె పాత్రలో ఎవరు నటిస్తారో తెలియాలంటే సినిమా రిలీజ్ అయ్యే వరకు ఆగాల్సిందే.