బాలీవుడ్ లో అనిల్ కపూర్, శ్రీదేవి కాంబినేషన్ లో అమ్రిష్ పురి విలన్ గా వచ్చిన మూవీ మిస్టర్ ఇండియా.బోనీ కపూర్ ఈ సినిమాని నిర్మించాడు.
ఆ సమయంలోనే విజువల్ గ్రాండియర్ గా ఈ సినిమాని ఆవిష్కరించారు.భారీ బడ్జెట్ తో తెరకెక్కించారు.
ఈ సినిమా బాలీవుడ్ ఇండస్ట్రీలో ఒక ట్రెండ్ సెట్టర్ గా నిలిచిపోయింది.సోషియో ఫాంటసీ కథాంశంతో ఈ సినిమా తెరకెక్కింది.
అనిల్ కపూర్ కి స్టార్ ఇమేజ్ ని ఈ సినిమా తీసుకొచ్చింది.ఒక మ్యాజిక్ వాచ్ ఈ సినిమాలో కీలక పాత్ర పోషిస్తుంది.
అప్పట్లో హిందీలో సూపర్ హిట్ అయిన సినిమాలని మన దర్శకులు ఎక్కువగా తెలుగులో రీమేక్ చేసేవారు.ఈ నేపధ్యంలో మిస్టర్ ఇండియా సినిమాని కూడా రీమేక్ చేయాలని అనుకున్నారు.
కోదండరామిరెడ్డి దర్శకత్వంలో చిరంజీవి, శ్రీదేవి కాంబినేషన్ లో ఈ సినిమాని తెలుగులో రీమేక్ చేయాలని అనుకున్నారు.
అయితే ఆ రీమేక్ సెట్స్ పైకి వెళ్లకపోవడానికి కారణాలు తాజాగా కోదండరామిరెడ్డి ఓ ఇంటర్వ్యూలో చెప్పుకొచ్చాడు.
చిరంజీవి-శ్రీదేవి కాంబినేషన్ లో సినిమా స్టార్ట్ చేశాం.ఆ ప్రాజెక్టుకు శ్రీదేవే నిర్మాత.
ఒక పాట కూడా చేసి ఆ సినిమా ఆపేశాం.చిరంజీవి-శ్రీదేవి లాంటి పెద్ద స్టార్స్ తో సినిమా చేయాలంటే సబ్జెక్ట్ అదే రేంజ్ లో ఉండాలి.
మాకు ఏ కథ నచ్చలేదు.ఓ సబ్జెక్ట్ అనుకొని, మ్యూజిక్ సిట్టింగ్స్ కూడా చేసి, సాంగ్ కూడా షూట్ చేసి ఆపేశాం.
అదే కాంబినేషన్ లో శ్రీదేవి నిర్మాతగా మిస్టర్ ఇండియా సినిమా చేద్దామనుకున్నాం.తాను, శ్రీదేవి, శ్రీదేవి తల్లి, చిరంజీవి వెళ్లి ఆ సినిమా రషెష్ చూడటం జరిగింది.4 గంటల రషెష్ చూసి బోర్ కొట్టింది.తెలుగులో ఈ సినిమా వర్కవుట్ అవ్వదని ఫిక్స్ అయ్యి ఆగిపోయాం.
తరువాత బాలీవుడ్ ఆ సినిమా సూపర్ హిట్ టాక్ తెచ్చుకొని ఒక క్లాసిక్ సినిమాగా మిగిలిపోయిందని కోదండరామిరెడ్డి చెప్పుకొచ్చారు.
