అభిమానులను ఎల్లపుడూ కాలర్ ఎగరేసుకునేలా చేసే హీరోల లిస్ట్ తీస్తే అందులో మెగాస్టార్ చిరంజీవి( Megastar Chiranjeevi ) పేరు నెంబర్ 1 స్థానం లో ఉంటుంది.ఎలాంటి బ్యాక్ గ్రౌండ్ ఇమేజి లేకుండా ఇండస్ట్రీ లోకి వచ్చిన చిరంజీవి, ఆ తర్వాత అంచలంచలుగా ఎదుగుతూ మెగాస్టార్ అయ్యాడు.
ఒకప్పుడు ఆయన క్రేజ్ ఎలా ఉండేది అంటే , టాలీవుడ్ లో మొదటి స్థానం నుండి చివరి స్థానం వరకు మొత్తం మెగాస్టార్ చిరంజీవే అని ట్రేడ్ పండితులు సైతం ముక్త కంఠం తో ఒప్పుకున్నా లాగ ఉండేవి.కానీ ఎప్పుడైతే రాజకీయాల్లోకి వెళ్ళాడో , పదేళ్ల పాటు సినిమాలకు పూర్తిగా దూరం అయ్యాడు.అప్పుడు ఆయనకీ గ్రిప్ పోయిందని అందరు అనుకున్నారు , కానీ ‘ఖైదీ నెంబర్ 150 ‘( Khaidi No.150 ) చిత్రం తో గ్రాండ్ రీ ఎంట్రీ ఇచ్చి వంద కోట్ల రూపాయిల షేర్ ని రాబట్టిన మొట్టమొదటి నాన్ రాజమౌళి హీరో గా చరిత్ర సృష్టించాడు.
![Telugu Acharya, Bhola Shankar, Chiranjeevi, Disasters, Kollywoodlokesh, Fans, Ra Telugu Acharya, Bhola Shankar, Chiranjeevi, Disasters, Kollywoodlokesh, Fans, Ra](https://telugustop.com/wp-content/uploads/2023/08/Acharya-Vs-Bhola-Shankar-Chiranjeevi-Disasters.jpg)
ఇక ఆ తర్వాత ఆయన వరుసగా 5 సినిమాలు చేస్తే అందులో రెండు వంద కోట్ల రూపాయిల షేర్ ని సాధించిన సినిమాలు ఉండగా మూడు డిజాస్టర్ ఫ్లాప్ సినిమాలు ఉన్నాయి.వాటిల్లో ‘ఆచార్య’ ( Acharya )మరియు రీసెంట్ గా విడుదలైన ‘భోళా శంకర్’ చిత్రాలు ఘోరమైన డిజాస్టర్ ఫ్లాప్ సినిమాలుగా నిలిచాయి.ఆచార్య చిత్రమే పెద్ద ఫ్లాప్ అనుకుంటే, ఈ భోళా శంకర్( Bhola Shankar ) చిత్రం ఇంకా పెద్ద ఫ్లాప్ అయ్యింది.ఫుల్ రన్ లో ఈ చిత్రం కనీసం 30 కోట్ల రూపాయిల షేర్ వసూళ్లను కూడా రాబట్టే ఛాన్స్ లేదని అంటున్నారు ట్రేడ్ పండితులు.
ఇప్పటి వరకు ఈ చిత్రానికి కేవలం 27 కోట్ల రూపాయిల షేర్ వసూళ్లు మాత్రమే వచ్చాయి.ఇది రెండు దశాబ్దాల క్రితం వచ్చిన చిరంజీవి సినిమాల క్లోసింగ్ కలెక్షన్స్ తో సమానం.
ఇది నిజంగా మెగాస్టార్ కి ఘోరమైన అవమానం అనే చెప్పాలి.
![Telugu Acharya, Bhola Shankar, Chiranjeevi, Disasters, Kollywoodlokesh, Fans, Ra Telugu Acharya, Bhola Shankar, Chiranjeevi, Disasters, Kollywoodlokesh, Fans, Ra](https://telugustop.com/wp-content/uploads/2023/08/Lokesh-Kanagaraj-Multistarrer-with-Chiranjeevi-Ram-Charan.jpg)
ఇప్పుడు మెగా ఫ్యాన్స్( Mega Fans ) కి అర్జెంటు గా మెగాస్టార్ చిరంజీవి నుండి ఒక బ్లాక్ బస్టర్ హిట్ కావాలి, అందుకే చిరంజీవి తన తదుపరి చిత్రం ఏమిటి అనే దానిపై అభిమానులు అనేక విధాలుగా ఆరాలు తీస్తున్నారు.కొంతమంది ‘భింబిసారా’ డైరెక్టర్ వసిష్ఠ తో ఒక సినిమా చేయబోతున్నాడని, ఆ చిత్రం నవంబర్ నెల నుండి ప్రారంభం కాబోతుంది అంటూ వార్తలు వచ్చాయి.మరికొంత మంది అయితే ఏ ఆర్ మురగదాస్ తో ఒక సినిమా చెయ్యబోతున్నాడు అంటూ వార్తలు వినిపించాయి.
ఈ రెండు కాకుండా ఇప్పుడు లేటెస్ట్ గా లోకేష్ కనకరాజ్( Lokesh Kanagaraj ) తో కలిసి చిరంజీవి ఒక సినిమా చెయ్యబోతున్నాడు అంటూ వార్తలు వినిపిస్తున్నాయి.ఇందులో రామ్ చరణ్ కూడా ఉంటాడట.
దీనికి సంబంధించిన పూర్తి వివరాలు ఆగస్టు 22 వ తారీఖున తెలియనుంది.