వేసవి తాపాన్ని తీర్చే వ‌ర్షాల వ‌ల్ల ఎన్నో తంటాలు ప‌డాల్సి ఉంటుంది.ఎందుకంటే, మిగిలిన కాలాల‌తో పోలిస్తే.
ఈ వ‌ర్షా కాలంలో జ‌బ్బులు ఎక్కువ‌గా వ‌స్తుంటాయి.వ‌ర్షాల వ‌ల్ల నిల్వ ఉండే నీరు, వాటిలో పెరిగే దోమ వ‌ల్ల మలేరియా, క‌ల‌రా, టైఫాయిడ్ ఇలా ర‌క‌ర‌కాల జ‌బ్బులు ఎటాక్ చేస్తుంటాయి.
ఆ జ‌బ్బుల నుంచి ర‌క్షించుకోవ‌డం చాలా అవ‌స‌రం.అయితే ఈ వర్షాకాలంలో కాకర కాయ తీసుకోవ‌డం వ‌ల్ల ఆరోగ్యానికి ఎంతో మేలు చేస్తుంద‌ని.
ఎన్నో జ‌బ్బుల నుంచి ర‌క్షిస్తుంద‌ని ఆరోగ్య నిపుణులు చెబుతున్నారు.
మ‌రి వర్షాకాలంలో కాకర కాయ తింటే ఎలాంటి ప్ర‌యోజ‌నాలు పొందొచ్చో ఇప్పుడు తెలుసుకుందాం.
ఈ వర్షాకాలంలో కాకర కాయను రోజు విడిచి రోజైనా తినాలంటున్నారు.ఎందుకంటే.
కాక‌య కాయలో ఉండే యాంటీ ఆక్సిడెంట్లు శరీర రోగ నిరోధ‌క శ‌క్తిని పెంపొందించి ర‌క‌ర‌కాల వ్యాధులు, వైర‌స్‌లు ద‌రిచేర‌నివ్వ‌కుండా కాపాడుతుంది.అలాగే డ‌యాబెటిస్ రోగుల‌కు కాకర కాయ గొప్ప ఔష‌ధంలా ప‌ని చేస్తుంది.
త‌ర‌చూ కాకర కాయ తీసుకోవ‌డం వ‌ల్ల.అందులో ఉండే ఆల్కలైడ్లు బ్ల‌డ్ షుగ‌ర్ లెవ‌ల్స్ త‌గ్గిస్తాయి.
అదే స‌మ‌యంలో ఇన్సులిన్ ఉత్పత్తిని పెంచుతాయి.కాకర కాయలో ఉన్న చేదు కడుపులో ఉన్న నులి పురుగులు మ‌రియు ఇతర క్రిములను అంతం చేస్తుంది.
అలాగే కాకర కాయ వారానికి రెండు సార్లు తీసుకోవ‌డం వ‌ల్ల శ‌రీరంలో బ్యాడ్ కొలెస్ట్రాల్ క‌రిగి.మంచి కొలెస్ట్రాల్ పెరుగుతుంది.
త‌ద్వార గుండె జ‌బ్బులు రాకుండా ర‌క్ష‌ణ ల‌భిస్తుంది.
అదేవిధంగా, కాకర కాయ జ్యూస్‌ను ప్రతి రోజు తీసుకోవ‌డం వ‌ల్ల మలేరియా, టైఫాయిడ్, కామెర్లు వంటి జ‌బ్బులు ద‌రిచేర‌కుండా ఉంటాయి.
మ‌రియు కాకర కాయలో ఉండే ఫైబ‌ర్‌ జీర్ణ స‌మ‌స్య‌లు దూరం చేస్తుంది.ముఖ్యంగా మల‌బ‌ద్ధకం సమస్యను నివారిస్తుంది.
అలాగే కాకర కాయ జ్యూస్‌ను త‌ర‌చూ తీసుకోవ‌డం వ‌ల్ల కిడ్నీలో ర‌ళ్లు క‌రుగుతాయి.
.
