మేకలు( Goats ) అనేక ఇతర జంతువుల నుంచి వేరుగా ఉండే విలక్షణమైన లక్షణాన్ని కలిగి ఉంటాయి.ముఖ్యంగా వాటి కళ్లు దీర్ఘచతురస్రాకార ఆకారంలో ఉంటాయి.
ఆ కనుపాపలు చూస్తే చాలా ఆశ్చర్యకరంగా అనిపిస్తుంది.మానవులు, అనేక ఇతర జంతువులకు గుండ్రని కనుపాపలు ఉంటాయి.
మేకల్లో మాత్రం కళ్లు అడ్డంగా, చీలికలు కలిగి ఉంటాయి.ఈ అసాధారణ కనుపాపల ఆకారం వెనుక ఒక కారణం ఉంది.
అదేంటంటే వేట జంతువులను ఇవి చూడాలంటే గుండ్రని కళ్ళు సరిపోవు.గుండ్రని కళ్ళు కొంతమేర మాత్రమే చూస్తాయి.
అదే అడ్డంగా కొంచెం పొడవుగా ఉన్న కళ్లైతే చాలా వరకు వ్యూ చూడగలవు.తద్వారా వేటాడే జంతువులను వెంటనే పసిగట్టి తప్పించుకోగలవు.
ట్విట్టర్, ఇన్‌స్టాగ్రామ్‌లో ఈ మేకల కళ్ల వెనుక ఉన్న అర్థం వివరించే ఒక వీడియో వైరల్ గా మారింది.ఈ వీడియో ప్రత్యేకమైన కంటి డిజైన్ వెనుక కారణాన్ని వెల్లడిస్తుంది.మేకలు వాటి పరిసరాలను 360-డిగ్రీల దృష్టిని కలిగి ఉన్నాయని వీడియో చూపిస్తుంది, దీని అర్థం అవి తమ చుట్టూ ఉన్న దాదాపు ప్రతిదీ, వాటి తల వెనుక కూడా చూడగలవు.ఇది సమీపంలో దాగి ఉన్న క్రూర జంతువులను గుర్తించడంలో వాటి సహాయపడుతుంది.
ఇక పిల్లుల కళ్ళు నిలువుగా ఉంటాయి.దానికి కారణం ఏంటంటే ఇవి వేటాడే జంతువులు, ఇవి తమ ఎరలను పట్టుకునేందుకు చాలా షార్ప్ గా చూడాల్సి ఉంటుంది.అందువల్ల వీటి చూపు కూడా నిలువుగా, షార్ప్‌గా ఉంటుంది.వేట అవసరాలకు సరిపోయే విభిన్న కంటి డిజైన్( Eye design )ను కలిగి ఉంటాయి.అవి చీకటిలో బాగా చూడటానికి కూడా అనుమతిస్తాయి.ఈ వీడియో నెటిజన్లలో చాలా ఆసక్తిని, చర్చను రేకెత్తించింది, ఈ కంటి డిజైన్లు ఎలా వచ్చాయనే దానిపై భిన్నమైన అభిప్రాయాలు ఉన్నాయి.
అవి పరిణామం లేదా సృష్టి ఫలితమా అని కొందరు సందేహాలు వ్యక్తం చేశారు.మరికొందరు మేకల ల్యాండ్‌స్కేప్ మోడ్, పిల్లుల పోర్ట్రెయిట్ మోడ్ గురించి జోక్ చేస్తారు.
ఈ వీడియోను మీరు కూడా చూసేయండి.
