భార‌త తొలి వ్యోమ‌గామి రాకేశ్ శ‌ర్మ‌కు హైద‌రాబాద్‌తో ఉన్న అనుబంధం ఇదే...

ఇస్రో మిషన్‌లో ఎంపిక‌ 20 సెప్టెంబర్ 1982న, ఇస్రో అంతరిక్ష సంస్థ ఇంటర్‌కాస్మోస్ మిషన్ కోసం రాకేష్ శర్మను ఎంపిక చేసింది.2 ఏప్రిల్ 1984లో రాకేష్ శర్మకు ఇద్దరు కమాండర్లతో అంతరిక్షంలో ప్రయాణించే అవకాశం లభించింది.రాకేష్ 7 రోజుల 21 గంటల 40 నిమిషాల పాటు అంతరిక్షంలో ఉన్నారు.ఈ సమయంలో అతను అంతరిక్షంలో యోగాతో సహా అనేక ప‌నులు చేశారు.అతని ఎంపిక తర్వాత, అతను యూఎస్‌ఎస్‌ఆర్‌లోని యూరి గగారిన్ సెంటర్‌లో వ్యోమగామిగా శిక్షణ పొందారు.అక్కడ అతను అత్యంత అంకితభావం, శ్ర‌ద్ధ‌తో తనను తాను నిరూపించుకున్నారు.

సోవియట్ అంతరిక్ష నిపుణుల నుండి ప్రశంసలు పొందారు.అంతరిక్షయానం నుండి తిరిగి వచ్చిన తరువాత, అప్పటి ప్రధాని ఇందిరా గాంధీ ఆయ‌ను భారతదేశం పై నుండి ఎలా కనిపిస్తుందని అడిగారు.

సారే జహాన్ సే అచ్చా హిందుస్థాన్ హమారా అని ఎలాంటి సంకోచం లేకుండా రాకేష్ శ‌ర్మ స‌మాధానం ఇచ్చారు.రాకేష్ శర్మకు హీరో ఆఫ్ సోవియట్ యూనియన్ అవార్డు లభించింది.

ఆయనకు అశోక్ చక్ర అవార్డు కూడా లభించింది.

రాజ్‌ఘాట్ మట్టిని అంత‌రిక్షంలోకి తీసుకెళ్లారు రాకేష్ శర్మ తనతో పాటు అప్పటి ప్రధాని ఇందిరాగాంధీ, రాష్ట్రపతి జైల్ సింగ్, రక్షణ మంత్రి వెంకటరామన్, మహాత్మా గాంధీ సమాధి ఫొటోలను అంత‌రిక్షంలోకి తీసుకెళ్లారు.దీంతో పాటు రాజ్ ఘాట్ మట్టిని కూడా తీసుకెళ్లారు.భారతీయ ఆహారాన్ని అంతరిక్షంలోకి తీసుకెళ్లారుమైసూర్‌లోని డిఫెన్స్ ఫుడ్ రీసెర్చ్ ల్యాబ్ సహాయంతో రాకేష్ శర్మ భారతీయ ఆహారాన్ని అంతరిక్షంలోకి తీసుకెళ్లారు.

అతను సుజీ కా హల్వా, ఆలూ చోలే, వెజ్ పులావ్‌లను ప్యాక్ చేసుకుని వాటిని, అతను తన తోటి వ్యోమగాములతో కూడా పంచుకున్నాడు.వింగ్ కమాండర్ పదవి నుండి పదవీ విరమణ చేసిన తర్వాత, రాకేష్ శర్మ హిందుస్థాన్ ఏరోనాటిక్స్ లిమిటెడ్‌లో పనిచేశాడు.2006లో భారత అంతరిక్ష పరిశోధనా సంస్థ కమిటీలో శర్మ భాగ‌స్వామి అయ్యారు.ఇది దేశంలో కొత్త అంతరిక్ష విమాన కార్యక్రమాన్ని ఆమోదించింది.