సూర్యుని నుంచి భూమికి వచ్చే శక్తిని కనుగొనాలంటే ప్రత్యేకమైన పరికరాలు అవసరం.టోటల్ సోలార్ ఇరేడియన్స్ అంటే విద్యుదయస్కాంత వికిరణం రూపంలో సూర్యుడి నుంచి పొందే శక్తి.
అయితే వీటిని కొలవాలంటే పెద్ద పరికరాలు అవసరం అవుతాయి.నాసా మాత్రం అతి చిన్న ఉపగ్రహంతో ఈ శక్తిని కొలిచేందుకు సిద్ధమైంది.
అదే కాంపాక్ట్ టోటల్ ఇరేడియన్స్ మానిటర్. ఒక షూబాక్స్-సైజ్ ఉండే ఈ శాటిలైట్ని స్పేస్లోకి పంపేందుకు సిద్ధమైంది.
సాధారణంగా సూర్యుడిపై నుంచి వచ్చే శక్తి భూమిపై వాతావరణ మార్పులకు కారణమవుతుంది.ఫలితంగా ఈ ఉపగ్రహంతో వాతావరణ మార్పులను కూడా పరిశీలించడం సాధ్యమవుతుంది.
ఎర్త్ రేడియేషన్లో సూర్యుడి నుంచి వచ్చే రేడియేషన్ ప్రధాన భాగంగా ఉంటుంది.
గ్రీన్హౌస్ వాయువులు.
వాతావరణంలో బాగా పెరుగుతున్న సౌరశక్తిని ప్రభావితం చేస్తాయి.వీటివల్ల సముద్ర జలాలపై ప్రతికూల ప్రభావం పడుతుంది.
ఈ మార్పులకు సౌరశక్తి కూడా కారణమవుతుందని పరిశోధకులు భావిస్తున్నారు.అందుకే ఈ చిన్న ఉపగ్రహాన్ని అంతరిక్షంలోకి పంపేందుకు సిద్ధమయ్యారు.
నేషనల్ ఓషియానిక్ అండ్ అట్మాస్ఫియరిక్ అడ్మినిస్ట్రేషన్. 2005 -2019 మధ్య కాలంలో భూవాతావరణంలో సౌర వికిరణం దాదాపు రెండింతలు పెరిగిందని కనుక్కున్నది.
అయితే ఈ సౌర వికిరణాలను కచ్చితత్వంతో కొలిచేందుకు సమర్థవంతంగా పనిచేసే పరికరాలు కావాలి.
అయితే వాటికి ఖర్చు చాలా ఎక్కువ అయ్యే అవకాశం ఉంది.దీనితో ప్రత్యామ్నాయంగా కాంపాక్ట్ టోటల్ ఇరేడియన్స్ మానిటర్ ను నాసా రూపొందించింది.ఇది చిన్నగా ఉంటుంది కాబట్టి లో-ఆర్బిట్ ప్రవేశపెట్టేందుకు అయ్యే ఖర్చు, సంక్లిష్టత చాలా వరకు తగ్గుతుంది.
కాంపాక్ట్ టోటల్ ఇరేడియన్స్ మానిటర్లో బోలోమీటర్ అనే ఓ రేడియేషన్ డిటెక్టర్ ఉంటుంది.ఇది ఇన్కమింగ్ లైట్లో 99.995% పసిగడుతుంది.ఇందులోనే క్యూబ్శాట్ ప్లాట్ఫామ్ నుంచి డేటాను సేకరించేందుకు కాంపాక్ట్ స్పెక్ట్రల్ ఇరేడియన్స్ మానిటర్(CSIM)అనే డివైజ్ అమర్చారు.