టాలీవుడ్ లో అరుందతిగా, దేవసేనగా ప్రేక్షకులకి దగ్గరై తనకంటూ ఒక బ్రాండ్ క్రియేట్ చేసుకున్న ముద్దుగుమ్మ అనుష్క శెట్టి.కెరియర్ తొలినాళ్ళలో అనుష్కకి అరుందతి సినిమా ఒక్కసారిగా క్రేజ్ అమాంతం పెంచేసింది.
ఆ సినిమా తర్వాత అనుష్క వెనక్కి తిరిగి చూసుకునే అవకాశం లేకుండా స్టార్ హీరోయిన్ గా ఎదిగిపోయింది.ఇక ఆమె కెరియర్ లో చేసిన బాహుబలి సినిమా మరో ఎత్తు.
ఈ సినిమా ఆమెని స్టార్ నుంచి లేడీ సూపర్ స్టార్ గా మార్చేసింది.దేవసేన పాత్ర ద్వారా బాహుబలి లో ప్రభాస్ కి ఏ రేంజ్ లో ఇమేజ్ వచ్చిందో అదే రేంజ్ లో అనుష్కకి కూడా వచ్చింది.
ఆ ఇమేజ్ కారణంగానే బాహుబలి తర్వాత సోలోగా చేసిన బాగమతి సినిమా ఏకంగా ఆమె స్టామినాతో ఎబ్భై కోట్లు కలెక్ట్ చేసింది.
ఇదిలా ఉంటే అనుష్క ప్రస్తుతం ఇండో-అమెరికన్ మూవీ అయిన నిశ్శబ్దం సినిమాలో నటిస్తుంది.
హేమంత్ మధుకర్ దర్శకత్వంలో తెరకెక్కుతున్న ఈ సినిమా హాలీవుడ్ కాస్టింగ్ తో పాటు మాధవన్ లాంటి కీలక నటులు నటిస్తున్నారు.భారీ బడ్జెట్ తో తెరకెక్కిన ఈ సినిమా టీజర్ ఇప్పటికే ప్రేక్షకుల ముందుకి వచ్చింది.
సస్పెన్స్ క్రైమ్ థ్రిల్లర గా యూఎస్ బ్యాక్ డ్రాప్ లో తెరకెక్కిన ఈ సినిమా పోస్ట్ ప్రొడక్షన్ జరుపుకుంటుంది.ఇదిలా ఉంటే ఈ సినిమా తర్వాత అనుష్క మళ్ళీ లేడీ ఓరియంటెడ్ సినిమాకి గ్రీన్ సిగ్నల్ ఇచ్చింది.
క్లాసికల్ చిత్రాల దర్శకుడు గౌతమ్ వాసుదేవ్ మీనన్ దర్శకత్వం తమిళ, తెలుగులో తెరకేక్కబోయే సినిమాలో నటించడానికి ఒకే చెప్పింది.ఈ సినిమా జనవరిలో మొదలయ్యే అవకాశాలు ఉన్నాయని తెలుస్తుంది.
