ప్రస్తుతం టాలీవుడ్ లో స్టార్ హీరోయిన్ గా కొనసాగుతున్న రకుల్ ప్రీత్ సింగ్ తెలుగులో చేస్తున్న సినిమాలు తక్కువగా ఉన్నప్పటికీ సోషల్ మీడియాలో మాత్రం తన ప్రేక్షకులను ఎప్పటికప్పుడు అలరిస్తూనే ఉంటుంది.తనకు సంబంధించిన విశేషాలను అలాగే సమాజంలో జరిగే సామాజిక అంశాలపై ఎప్పటికప్పుడు అప్డేట్స్ ఇస్తూనే ఉంటుంది.
లాక్ డౌన్ సమయంలో తన ఇంట్లో చేసే పనులతో పాటు, తను చేస్తున్న వర్క్ ఔట్స్ కు సంబంధించిన వీడియోలు సోషల్ మీడియాలో షేర్ చేసి తన అభిమానులను ఉత్సాహపరుస్తూ ఉంటుంది.ఇక ఇది ఇలా ఉండగా తాజాగా తనకు ఉన్న మరో టాలెంట్ ను తాజాగా సోషల్ మీడియా వేదికగా అభిమానులతో పంచుకుంది.
“కరే ని కర్దా రాప్” అనే ఛాలెంజ్ లో పాల్గొని అద్భుతంగా రాప్ సాంగ్ పాడింది ఈవిడ.ఇందుకు సంబంధించి రకుల్ ప్రీత్ సింగ్ ఇచ్చిన ఎక్స్ప్రెషన్స్ అలాగే, ఆవిడ పాట పాడిన విధానం నెటిజెన్స్ ను ఎంతగానో ఆకట్టుకున్నాయి.
ఈవిడ బాలీవుడ్ హీరో అర్జున్ కపూర్ నుంచి ఈ ఛాలెంజ్ స్వీకరించింది.ఇందుకుగాను ఈ వీడియో రూపొందించడానికి సహాయం అందించేందుకు రకుల్ ప్రీత్ సింగ్ అర్జున్ కపూర్ కు ధన్యవాదాలు తెలిపింది.
తనకు మీరు ఎంతో సహాయం చేశారని అందువల్లే మీలా సగం సగం కాకుండా పూర్తిగా రాప్ సాంగ్ పాట పాడగలిగానని రకుల్ ప్రీత్ సింగ్ పేర్కొంది.తాజాగా తను పాడిన పాటను సోషల్ మీడియా వేదికగా చేసుకొని రకుల్ ప్రీత్ సింగ్ పోస్ట్ చేసింది.
రకుల్ ప్రీత్ సింగ్ తాను పాట పాడిన తర్వాత ఈ చాలెంజ్ బాలీవుడ్ నటుడు టీవీ హోస్ట్ అయిన ఆపర్ శక్తి ఖురానా ను నామినేట్ చేసింది.ఇంకెందుకు ఆలస్యం మీరు కూడా రకుల్ ప్రీత్ సింగ్ పాడిన రాప్ సాంగ్ విని ఎంజాయ్ చేయండి.
