శాండిల్ వుడ్ ఇండస్ట్రీలో ఊహించని స్థాయిలో పాపులారిటీని కలిగి ఉన్నవాళ్లలో శివరాజ్ కుమార్ ఒకరు కాగా ఈ నటుడికి ఊహించని స్థాయిలో పాపులారిటీ పెరుగుతోంది.కొన్నిరోజుల క్రితం శివరాజ్ కుమార్ ఘోస్ట్ సినిమాతో ప్రేక్షకుల ముందుకు రాగా ఈ సినిమా బాక్సాఫీస్ వద్ద అబవ్ యావరేజ్ రిజల్ట్ ను అందుకుంది.
శివరాజ్ కుమార్( Shiva Rajkumar ) రాజకీయాల్లోకి వస్తే ఆయన రాజకీయాల్లో సంచలనాలు సృష్టిస్తారని ఫ్యాన్స్ ఫీలవుతున్నారు.
సార్వత్రిక ఎన్నికలకు సమయం ఆసన్నం కావడంతో అన్ని రాజకీయ పార్టీలు 2024 ఎన్నికల్లో ఎంపీ స్థానాలలో సత్తా చాటడానికి తమ వంతు కృషి చేస్తున్నాయి.కర్ణాటక రాష్ట్రంలో అధికారంలోకి వచ్చిన కాంగ్రెస్ పార్టీ పార్లమెంట్ సీట్లపై కసరత్తు మొదలుపెట్టింది.కర్ణాటక ఉపముఖ్యమంత్రి డీకే శివకుమార్( DK Shivakumar ) ఎన్నికల్లో కన్నడ స్టార్ హీరో శివరాజ్ కుమార్ ను ప్రధాన ఆయుధంగా ఉపయోగించుకోవాలని భావించారు.
అయితే కాంగ్రెస్ ( Congress )వేసిన ప్లాన్ కు ఆదిలోనే బ్రేకులు తగిలాయి.కాంగ్రెస్ పార్టీ నుంచి శివరాజ్ కుమార్ కు ఎంపీ టికెట్ ను ఆఫర్ చేయగా ఎక్కడ కోరితే అక్కడ టికెట్ ఇస్తామని డీకే చెప్పినా శివన్న మాత్రం ఆ ఆఫర్ ను సున్నితంగా తిరస్కరించడం జరిగింది.ప్రస్తుతం పలు ప్రాజెక్ట్ లతో బిజీగా ఉన్నానని నేనెప్పటికీ రాజకీయాల్లోకి రానని ఆయన అన్నారు.ముఖానికి రంగులు వేసుకుని నటించి అందరినీ మెప్పించడమే మా నాన్నగారు ఇచ్చిన గిఫ్ట్ అని అక్కడే నా లైన్ ముగుస్తుందని రాజకీయాలు మాకొద్దని శివరాజ్ కుమార్ వెల్లడించారు.
రాజకీయాల కోసం ప్రత్యేకంగా పని చేసేవాళ్లు ఉన్నారని వెండితెరపై నటించడం మాత్రమే మా పని ని ఆయన అన్నారు.శివరాజ్ కుమార్ చెప్పిన విషయాలు నెట్టింట వైరల్ అవుతున్నాయి.
శివరాజ్ కుమార్ తీసుకున్న నిర్ణయాన్ని నెటిజన్లు సైతం తెగ మెచ్చుకుంటున్నారు.
