ప్రతి సంవత్సరం లక్షలాది మంది భారతీయ విద్యార్థులు ఉన్నత విద్య కోసం ఇతర దేశాలకు వెళుతుంటారు.అయితే ఇక‌పై ఉన్నత విద్య కోసం విదేశాలకు వెళ్లాల్సిన అవసరం లేదు.
యూజీసీ అంటే యూనివర్శిటీ గ్రాంట్స్ కమిషన్ భారతదేశంలో విదేశీ యూనివర్సిటీలకు క్యాంపస్ తెరవడానికి అనుమతి ఇచ్చింది.దీనికి సంబంధించి యూజీసీ అధికారులు విలేకరుల సమావేశంలో మాట్లాడుతూ యూజీసీ అనుమతి లేకుండా ఏ విదేశీ యూనివర్శిటీని భారతదేశంలో వారి క్యాంపస్‌ను తెరవడానికి అనుమతిలేద‌ని తెలిపింది.
అదే సమయంలో ఇక్క‌డ విద్యాల‌యాలు తెర‌వాల‌నున్న‌వారికి ప్రాథమిక ఆమోదం పదేళ్లపాటు ఉంటుంద‌ని తెలిపారు.క్యాంపస్ ఎన్ని సంవత్సరాలకు…యూజీసీ జారీ చేసిన మార్గదర్శకాల ప్రకారం, భారతదేశంలో క్యాంపస్‌లను ప్రారంభించే విదేశీ విశ్వవిద్యాలయాలు తొలుత 10 సంవత్సరాలపాటు అనుమతించబడతాయి.
ఆ తర్వాత కొన్ని షరతులు నెరవేర్చిన తర్వాత సంబంధిత అధికారులు తదుపరి నిర్ణయం తీసుకోనున్నారు.ప్రవేశ నియమంభారతదేశంలో తన క్యాంపస్‌ను ప్రారంభించే విదేశీ విశ్వవిద్యాలయం అడ్మిషన్ ప్రక్రియను స్వయంగా చేయాల్సివుంటుంది.
అడ్మిషన్ ప్రక్రియ ప్రకారం, ఫీజులు కూడా వారి సొంతంగా నిర్ణ‌యించుకోవ‌చ్చు.
రిజిస్ట్రేషన్ ఎలా జరుగుతుంది?
భారతదేశంలో క్యాంపస్ తెరవడానికి విదేశీ విశ్వవిద్యాలయాలు యూజీసీ వెబ్‌సైట్‌లో వివ‌రాలు నమోదు చేసుకోవాలి.ఎంత సమయం పడుతుంది? విదేశీ యూనివర్సిటీలు రెండేళ్లలోగా తమ క్యాంపస్‌ను భారతదేశంలో ఏర్పాటు చేసుకోవాలి.యూజీసీ నుండి వారు తుది ఆమోదం పొందిన తర్వాత, 45 రోజుల్లో క్యాంపస్‌ను ప్రారంభించాల్సి ఉంటుంది.
ఎవరి అనుమతి తీసుకోవాలి?భారతదేశంలో యూనివర్శిటీ క్యాంపస్‌ను తెరవడానికి యూజీసీ అనుమతి అవసరం.యూజీసీ అనుమతి లేకుండా ఎవ‌రైనా భారతదేశంలో తమ క్యాంపస్‌ను తెరవలేరు.
సిలబస్‌లో తేడా ఎలా ఉంటుంది?
యూజీసీ మార్గదర్శకాల ప్రకారం విదేశీ విశ్వవిద్యాలయాలు తమ భారతీయ క్యాంపస్‌లలో అందించే విద్య యొక్క నాణ్యత వారి ప్రధాన క్యాంపస్‌లతో సమానంగా ఉండేలా చూసుకోవాలి.ఎలా చదువుతారు?భారతదేశంలో క్యాంపస్‌లను ప్రారంభించే విదేశీ విశ్వవిద్యాలయాలు క్యాంపస్‌లో ఫిజికల్ క్లాస్‌ల కోసం పూర్తి సమయం ప్రోగ్రామ్‌లను అందించాలి.వారు ఆన్‌లైన్ లేదా దూర విద్యను అందించడానికి యూజీసీ నుంచి అనుమతి ఉండదు.రిజర్వేషన్ విధానం వర్తిస్తుందా?భారతదేశంలో ప్రారంభించే విదేశీ విశ్వవిద్యాలయాలలో ప్రవేశం నుండి ప్రతి నిర్ణయాన్ని వారే స్వయంగా తీసుకుంటారు, ఇందులో యూజీసీ పాత్ర ఉండదు.విదేశాల్లోని విశ్వవిద్యాలయాల్లో కనిపించే విధంగా ఆర్థికంగా బలహీన వర్గాలకు చెందిన విద్యార్థులకు స్కాలర్‌షిప్ విధానం ఉంటుంది.
తెలుగు NRI వార్త విశేషాలు సులభముగా తెలుసుకోండి!!!!
