జనసేన పార్టీ గూటికి చేరబోతున్న ఒంగోలు వైసీపీ ఎమ్యెల్యే బాలినేని శ్రీనివాస్ రెడ్డి..!

ఆయన మరెవరో కాదు ఒంగోలు వైసీపీ సిట్టింగ్ ఎమ్యెల్యే, మాజీ మంత్రి బాలినేని శ్రీనివాస్ రెడ్డి.( Balineni Srinivasa Reddy ) ఈయన గత కొంత కాలం నుండి వైసీపీ పార్టీ పట్ల అసంతృప్తి తో ఉన్నాడు.రాబొయ్యే ఎన్నికలలో వైసీపీ పార్టీ గెలవడం అంత సులభమైన విషయం కాదని అధికారికంగా తెలిపాడు కూడా.

అంతే కాదు తనకి ప్రభుత్వం కేటాయించిన గన్ మెన్లను తక్షణమే వెనక్కి ఇస్తున్నట్టు గా అధికారికంగా ప్రకటించాడు.అంతే కాదు తన పై ఫేక్ డాక్యుమెంట్స్ కేసు లో పోలీసులు వ్యవహరిస్తున్న తీరుపై బాలినేని చాలా తీవ్రమైన అసంతృప్తి తో ఉన్నాడు.

నిర్దోషిని అయినా నన్ను ఇబ్బంది పెడుతూ అసలు దోషులను మాత్రం పోలీసులు పట్టించుకోవడం లేదు , ఈ కేసు లో వైసీపీ నాయకుల హస్తం ఉన్నా వదిలిపెట్టను అంటూ బాలినేని శ్రీనివాస్ రెడ్డి పేర్కొన్నాడు.ఇలా ప్రతీ విషయం లోను ఆయన వైసీపీ పార్టీ పట్ల చాలా తీవ్రమైన అసంతృప్తి తో ఉన్నాడు.

గత కొంతకాలం గా బాలినేని శ్రీనివాస్ రెడ్డి జనసేన పార్టీ అధినేత పవన్ కళ్యాణ్ తో టచ్ లో ఉన్నాడు అనేది ఓపెన్ సీక్రెట్.ఇతనికి ఒంగోలు స్థానం ఖరారు చేస్తే వెంటనే పార్టీ లోకి వచేయడానికి సిద్ధంగా ఉన్నాడు.కానీ ఒంగోలు( Ongole ) స్థానం కష్టం అని, దర్శి స్థానం అయితే కచ్చితంగా గ్యారంటీ ఇవ్వగలను అని పవన్ కళ్యాణ్ నుండి మాట అందినట్టు సమాచారం.బాలినేని తన అనుచరులతో చర్చలు జరిపి చెప్తాను అన్నాడట.

పవన్ కళ్యాణ్ ప్రకాశం జిల్లా వారాహి విజయ యాత్ర సమయానికి ఒక క్లారిటీ వచ్చే అవకాశం ఉంది, చూడాలి మరి.