ఎం.రాజా డైరెక్షన్ లో తెరకెక్కి 2001 సంవత్సరంలో విడుదలైన హనుమాన్ జంక్షన్ బాక్సాఫీస్ వద్ద బ్లాక్ బస్టర్ హిట్ గా నిలిచిందనే సంగతి తెలిసిందే.
జగపతిబాబు, అర్జున్, వేణు ఈ సినిమాలో కీలక పాత్రలలో నటించారు.స్నేహ, లయ ఈ సినిమాలో హీరోయిన్లుగా నటించగా ఈ సినిమా సంచలన విజయాన్ని సొంతం చేసుకుంది.
ఈ సినిమాలోని పాటలు కూడా సూపర్ హిట్ అయ్యాయి.అయితే ఈ సినిమాకు మొదట ఎంపికైన హీరోలు మాత్రం వీళ్లు కాదు.
మోహన్ బాబు, రాజశేఖర్ ఈ సినిమాలో హీరోలుగా నటించాల్సి ఉండగా కొన్ని కారణాల వల్ల అర్జున్, జగపతిబాబు ఈ సినిమాలో నటించాల్సి వచ్చింది.ఈ సినిమా డైరెక్టర్ మోహన్ రాజా ప్రస్తుతం తెలుగులో గాడ్ ఫాదర్ సినిమాను తెరకెక్కిస్తున్నారు.
మోహన్ రాజా మలయాళంలో బ్లాక్ బస్టర్ హిట్ గా నిలిచిన తెన్ కాశి పట్టణం అనే సినిమాను తెలుగులో తెరకెక్కించారు.
ఈ సినిమాలో నటించడానికి మోహన్ బాబు, రాజశేఖర్ అంగీకరించి అడ్వాన్స్ కూడా తీసుకున్నారు.
అయితే ఆ తర్వాత వాళ్లిద్దరూ తప్పుకొని జగపతిబాబు, అర్జున్ ఈ సినిమాలో హీరోలుగా ఎంట్రీ ఇచ్చారు.దర్శకుడు మోహన్ రాజా తాజాగా ఒక ఇంటర్వ్యూలో మాట్లాడుతూ ఎవరికీ తెలియని ఈ విషయాన్ని వెల్లడించారు.తెన్ కాశిపట్టణం లైన్ ను మాత్రమే తీసుకుని మోహన్ రాజా కథలో కీలక మార్పులు చేశారు.
ఆ మార్పుల వల్ల ఈ సినిమా తెలుగులో సూపర్ హిట్ గా నిలిచింది.ఈ సినిమా తర్వాత మోహన్ రాజా తెలుగులో ఆఫర్లు వచ్చినా సినిమాలు చేయలేదు.చాలా సంవత్సరాల తర్వాత మోహన్ రాజా తెలుగులో తెరకెక్కిస్తున్న గాడ్ ఫాదర్ సినిమా ఎలాంటి ఫలితాన్ని అందుకుంటుందో చూడాలి.
