హెల్మెట్ లేకుండా ద్విచక్ర వాహనాలు నడిపే వారికి లైసెన్స్ రద్దు చేయాలని అన్ని రాష్ట్రాలకు కేంద్ర ప్రభుత్వం ఇప్పటికే ఆదేశాలు జారీ చేసింది.అంతేకాకుండా హెల్మెట్ లేకుండా ద్విచక్ర వాహనాలు నడిపితే అలాంటి వారికి కూడా భారీ జరిమానాలను వేస్తూ కఠిన చర్యలను చేపడుతుంది.
అయితే ఇప్పటికే ఈ నిబంధనలను హైదరాబాద్ పోలీసులు ట్రాఫిక్ రూల్స్ ను స్ట్రిక్ట్ గా అమలు చేస్తున్నారు.
హెల్మెట్ ధరించకుండా, నిబంధనలను పాటించకుండా వాహనాలను నడిపే వారిపై కఠిన చర్యలు తీసుకుంటూ అధిక మొత్తంలో జరిమానాలను విధిస్తున్నారు.
వీటిలో ముఖ్యంగా హెల్మెట్ లేని వారిపై అధిక దృష్టి సారించిన ట్రాఫిక్ పోలీసులు హెల్మెట్ లేకుండా ప్రయాణించే ద్విచక్ర వాహనదారులపై పెద్ద ఎత్తున జరిమానా విధిస్తున్నారు.దీంతో అప్రమత్తమైన ప్రయాణికులు నగరంలో దాదాపు 90 శాతం మంది హెల్మెట్ ధరించి ప్రయాణం చేస్తుండడం గమనార్హం.
హెల్మెట్ ధరించడం అనే నిబంధనల ప్రకారం తల, ముఖం పూర్తిగా కవర్ అయ్యే హెల్మెట్ లను మాత్రమే ధరించాలని ఈ సందర్భంగా తెలియజేశారు.అలా కవర్ అయ్యే హెల్మెట్ లను వాడకపోయినా చలానా విధించనున్నారని హైదరాబాద్ ట్రాఫిక్ పోలీసులు తెలిపారు.నాణ్యమైన, పూర్తిస్థాయిలో రక్షణ కల్పించే హెల్మెట్లు మాత్రమే వాడాలని వాహనదారులకు పోలీసులు సూచించారు.కేవలం హెల్మెట్ లేకుండా మాత్రమే కాకుండా, పలు రకాల రోడ్డు నిబంధనలను అతిక్రమించి వాహనాలు నడిపిన కూడా జరిమానాలు వర్తిస్తాయని తెలిపారు.
హెల్మెట్ లేకుండా ప్రయాణాలు చేయడంవల్ల రోడ్డు ప్రమాదాల బారినపడి నిండు ప్రాణాలను బలి తీసుకుంటున్నారు.ఈ రోడ్డు ప్రమాదాలను తగ్గించడం కోసం ఈ పటిష్టమైన చర్యలు తీసుకుంటున్నట్లు పోలీసులు తెలియజేశారు.
అందుకోసమే ద్విచక్ర వాహనదారులు తప్పకుండా పూర్తిస్థాయిలో రక్షణ కల్పించే హెల్మెట్లు ధరించి, రోడ్డు నిబంధనలను పాటిస్తూ వాహనాలను నడపాలని, వాహనదారులకు పోలీసులు సూచనలిచ్చారు.
తెలుగు వార్త విశేషాలు సులభముగా తెలుసుకోండి!!!!
