తమిళ నాడు లో సూపర్ స్టార్ రజినీకాంత్( Rajinikanth ) అల్లుడిగా ఒకప్పుడు ధనుష్ కి పాపులారిటీ ఉండేది.రజినీకాంత్ కూతురు ఐశ్వర్య ని ప్రేమించి పెళ్లాడిన ధనుష్ కి కెరీర్ ప్రారంభం లో రజినీకాంత్ అల్లుడిగానే గుర్తింపు ఉండేది.
ఆ తర్వాత ఆయన ఎంచుకున్న కథలు, చేసిన పాత్రలు, కొట్టిన బ్లాక్ బస్టర్ హిట్లతో తనకంటూ ఒక ప్రత్యేకమైన గుర్తింపుని తెచ్చుకొని సౌత్ లో టాప్ మోస్ట్ స్టార్ హీరోలలో ఒకడిగా గుర్తింపు దక్కించుకున్నాడు.తెలుగు, తమిళం, హిందీ ఇలా అన్నీ బాషలలో సూపర్ హిట్స్ ని అందుకున్న అరుదైన హీరోలలో ధనుష్( Dhanush ) ఒకడు.
అయితే రీసెంట్ గానే ఆయన ఐశ్వర్య కి విడాకులు ఇచ్చిన సంఘటన సంచలనం గా మారిన సంగతి అందరికీ తెలిసిందే.రెండు దశాబ్దాలకు పైగా దాంపత్య జీవితం కొనసాగించి ఇద్దరు పిల్లలకు జన్మని ఇచ్చిన తర్వాత ఈ జంట విడాకులు తీసుకోవడం అందరినీ ఆశ్చర్యానికి గురి చేసింది.
విడాకులు తీసుకున్నప్పటికీ కూడా ధనుష్ సూపర్ స్టార్ రజినీకాంత్ పై తనకి ఉన్న అభిమానం ని చూపిస్తూనే ఉన్నాడు.కానీ లేటెస్ట్ గా ఆయన చేసిన ఒక పని ఇప్పుడు రజినీకాంత్ అభిమానులకు కోపం తెప్పిస్తుంది.అదేమిటంటే ఆయన కెరీర్ లోనే అత్యంత ప్రతిష్టాత్మకంగా భారీ బడ్జెట్ తో తెరకెక్కిస్తున్న యాక్షన్ మూవీ ‘కెప్టెన్ మిల్లర్’.( Captain Miller ) ఈ సినిమాపై తమిళనాడు లో అంచనాలు భారీ గానే ఉన్నాయి.
ఈ చిత్రం తో ధనుష్ టాప్ స్టార్ లీగ్ లోకి అడుగుపెడుతాడని అభిమానులు అనుకుంటున్నారు.డిసెంబర్ నెలలో విడుదల అవ్వాల్సిన ఈ సినిమా కొన్ని అనుకోని కారణాల వల్ల సంక్రాంతికి వాయిదా పడింది.
అదే సంక్రాంతికి సూపర్ స్టార్ రజినీకాంత్ ప్రధాన పాత్రలో నటించిన ‘లాల్ సలాం’( Lal Salaam Movie ) అనే చిత్రం కూడా విడుదల కాబోతుంది.విష్ణు విశాల్ హీరో గా నటిస్తున్న ఈ సినిమాకి రజినీకాంత్ పెద్ద కూతురు సౌందర్య దర్శకత్వం వహిస్తుంది.
ఈ రెండు సినిమాలతో పాటుగా శివ కార్తికేయన్ హీరో గా నటిస్తున్న ‘అయలన్’ చిత్రం( Ayalaan ) విడుదల కాబోతుంది.ఇదంతా పక్కన పెడితే ఇన్నేళ్ళ ధనుష్ కెరీర్ లో ఒక్కసారి కూడా తన మామయ్య కి పోటీగా సినిమాలను విడుదల చెయ్యలేదు.మొట్టమొదటి సారి కెరీర్ లో మామయ్య కి పోటీగా తన సినిమాని విడుదల చేస్తున్నాడు.ఫలితం ఎలా ఉంటుందో అని ప్రేక్షకులు ఆతృతగా ఎదురు చూస్తున్నారు.‘లాల్ సలాం’ చిత్రం లో రజినీకాంత్ కేవలం ముఖ్య పాత్రని మాత్రమే పోషిస్తున్నాడు.కాబట్టి ఈ సినిమా మీద అంచనాలు భారీ గా ఉండకపోవచ్చు.
చూడాలి మరి ఏమి జరగబోతుందో.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
